2026ko ekainaren 6ko ospakizunerako kartela. Ilusio berezia egin didan lantxoa da hau, Minakaria bukatu eta geroko lehen ariketa marraztua baita. Marra finagoak erabili ditut, zuriune asko, konposizio soilagoak eta amonaren oroimenak dakarzkidan idazkerak. Barandiaranen Euskaldunak entziklopediatik atera nuen tipografia handien eta hainbat irudien oinarria. Etxea eta Auzoa kapituluak ageri ziren bata bestearen jarraian, argazki ederrekin lagunduta: baserriak, auzuneak, su baxuak, auzolanak, baselizen garrantzia auzo egituran, kolektibotasuna..

2025ean, Auzoko & Saïm Mendiren lanik dastagarrienarentzat egindako diseinua. Denok dakigu dantzarik ausartenen dirdirak hobeto ikusten direla iluntasunean. Bilduma honetan denontzako bazka dakarte Auzokok eta Mendik, gose geundela baitzekiten. Gozatu ezazue bere uztaz. Tinta paperean eta kolore digitala, GIMPekin, noski. Oraingoan letrak ere nireak dira. Haien diska hemen entzungai:

Urtarriletik dabil Lurrazpiko Liga udaberri bukaerako topaketa antolatzen. Fanzine eta autoargitalpen azoka, musika pintxada, tailerrak, bazkari herrikoia, halabeharrezko mikro ireki famatua, eta honako edizioan garrantzi berezia eman nahi izan dioten hausnarketa kolektiboa. Badira ia 3 urte azokak antolatzen dituztela, eta sortzaileen arteko sarea sendotzen doa, pixkanaka pixkanaka. Hala ere, elkarrekin merkatu instantzia sortzeaz aparte, eztabaidarako eta behar materialen inguruan antolatzeko espazioen gabezia nabaritu dute.

Karmelak 10 urte betetzen dituelak ez du inor harrituko, azken hilabeteetan matraka handia eman baitute ekimenarekin. Kontua da datorren maiatzaren 15aren asteburuan, urteurrenaren ekimen potentea dela, eta horretarako, kontzertu eta besteren artean, azokatxoa antolatu dute ostiraleko arratsalderako. Hor izango naiz, lagunez inguraturik, hainbat posturen artean, fanzine eta irudiekin. Karmela, Fika kalea 44, Santutxu.

2017an Parisetik Greziara joan nintzen, hango kaleak eta kaletarrak ezagutzeko asmoarekin. Bidaian zehar, Bilboko eta Pariseko senidei nire egoera emozionalaren berri ematearren, eguneroko antzeko zerbait bidaltzen nien emailez, zirriborro eta testutxo labur eta kriptikoekin. 9 urteren ostean, bizipen horiei irakurketa bat egin nahi izan diet, eta atal hori itxi. Testuok eta marrazkiok berregin ditut, ordena berria eman diet eta koherentzia pixka bat ematen saiatu naiz. Euskarazko A5 liburuzka autoargitaratua, 64 orrialdetxo zuribeltzean. Dortoka inprimategian inprimatua eta software askearekin editatua, noski. DDT-n eta azoketan eskuragarri.

2023ko udaberriko Zeruzkontra irudigintza laborategian, ziklo amaierarako karta bilduma egitea erabaki genuen. 4 kide ginen eta gutako bakoitzak bere 12 kartako sorta egingo zituen. 12 karta horiek 3 bildumatxo izango zituen 4 kategoriatan (pertsonaia/objektua/ekintza-gertaera/aholkua), adibidez : ITZARen karta sorta--»A ikatz-marrazkiak. B rotulki/collage D akuarelak

2022an, Ácido Folklórico techno-folk taldearentzat egindako diseinuak. LSD, folka, technoa, eta ezkerraldeko langile kontzientzia: zera atera daiteke gaizki? Hemen doa haien musikara doan esteka:

2019an Kretako Dalkania Trio Bizkaiara etorri ziren musika jotzen. Ekialdeko doinuak, Greziako folk musika anitzak, akordeoia, klarinoa, kitarra, bouzukia ta daoulia. Joni Txintxesekin Sopelako Plaza Beltzan jo zutenerako egin nien kartela:

Datorren apirilaren 18an, Burgosera goaz, hango lagunek Maja Fest irudigintza eta autoedizio azokatxoa antolatzen baitute. Han izango naiz Argh eta Minakariekin, azken haiek inork ezin baditu irakurri ere, badakizue, Burgos ez baita hiri euskaldunena 🙂 Baina berdin dio, hango lagunak itzelak dira, eta egiten duten esfortzu guztiarekin eta dauzkaten gogo ikaragarriengatik, babestera joango gara, musika, marrazki eta giro alaiaz gozatzera. Aukerarik baduzue joateko, ez auekra galdu! La Chispa, Juan de Padilla kalea 13, Burgos.

Larunbata honetan, martxoaren 28an, 9. Betún azokatxoa izango da, Ibeni Kaiako Hika Ateneoan (Bilbo), goizeko 11:00etatik 16:00ak arte. Bertan, beste lagun fanzinegile eta irudigile izango dira euren arteak eta mertxanak saltzen, Epukatu, Maru Maravilla, Sirakusi, Marrabila eta beste asko! Ez galdu, giro polita izan ohi da eta artistok zuen sosak behar ditugu alokairuak ordaintzen jarraitu eta artea egiten jarraitzeko! Nire partetik, han izango naiz fanzineak saltzen, batez ere: "Argh- Horror verosímil en la cloaca mediática" 2 eurotan, Zeruzkontra kolektiboaren "Lanera" musutruk, eta nire azkenengo komiki-fanzinea "Gaztibeltzaren minakaria" 6 eurotan. Bestetik ere txapak, pegatinatxoak eta Auzokoren "UZTA" diskaren biniloak (azaleko artea nik egin nion, bai) izango ditut. Hantxe itxaroten zaituztegu!!

2019an, Zarzaparrillaren 2. eta azkenengo diskaren artea egin nuen. Tinta paperean eta kolore digitala, GIMParekin. Letra guztiak "Ortel"enak dira. "Mamoieeeek!" Haien diska hemen entzungai: diska deskargatu

Bilboko Aratusteetan Konpartsen egitarauarako egindako kartel bikoitza (2019), bai, justo pandemia aurreko egun horietakoa. Gai orokorra zinema zen, eta zinema-fikziozko pertsonai desberdinak beste pertsonaien mozorro jantziekin marraztu nituen.

2024ko FAKALAGRAPA-rako egindako fanzinea. "Nazkagarriak" irudian oinarritua, Ana Rosaren programako langile baten bidaia deskribatzen du, leize mediatiko nazkagarrian barrena. Gaztelerazko A6 fanzinetxoa, 40 orrialdetxo zuribeltzean. Dortoka inprimategian inprimatua eta software askearekin editatua, noski.

Martxoaren 4ean, Larrabasterrako Auzoetxean. Fanzinearen sortze prozesua partekatzeko kafeta egingo dugu Auzoetxeko liburutegiko lagunekin. Ez da aurkezpen formala izango, solasaldi kaotikoa baino.

Topera bizitzea hautatu dugu(2023) tinta paperean Kranba Konpartsarentzat, Uger taldearen "Fedea ta xedea" abestiarekin egindako beste diseinu bat, ostera paperean inprimatua.

2024n Portugaleteko komiki lehiaketan aurkeztu nuen 4 orrialdeko istorio mutua. Ostera, fanzine txiki baten editatua, kolorean. Tinta paperean eta kolore digitala.

Zeruzkontra3ko FITOPIA fanzinerako ekarpena. Akrilikoa eta tinta paperean eta kolore digitala.

Zeruzkontrako FITOPA fanzinerako ekarpena (2024)

Nazkarriak (2021) tinta paperean