په چین کې پولیس وایي د دې هیواد په ختیځ کې شنبه نومبر ۱۶ ( لړم ۲۶) په یو مسلکي ښوونځي کې د چاقو په برید کې لږ تر لږه اتنه تنه وژل شوي او ۱۷ نور ټپي شویدي.

د جرمني د ښځینه فوټبال ملي لوبډلې (قومي ټيم) مشره جیولیا ګوین د ګسې پښې د غټې رګ د زخمي کېدو له امله به په راتلونکو څو اوونیو کې لوبې ونه کړي. د جرمني خبري اژانس «ډي پي اې» د راپور له مخې، د ګوین کلب بایرن میونخ د اكتوبر په پنځمه په یوه خبرپاڼه کې وویل چې د طبي معایناتو وروسته معلومه شوه چې د هغې د چپې پښې د ټخنې رګ ټپي شوی دی.

د متحده ایالاتو پوځ شنبه ډسمبر ۲۱ ( مرغومي لومړۍ) وروسته تر هغه په یمن کې د حوثي یاغیانو په نظامي اهدافو هوایي بریدونه وکړل چې دې یاغیانو څو ساعته وړاندې د اسرائیل په تل ابیب ښار باندې توغندي وار کړل چې ګڼ شمیر کسان پکې ټپي شول.

د امريکا د سيئټل ښار په يو فوډ فېسټېول کې د ډزو په پېښه کې ۳ کسان وژل شوي او د يو ماشوم په ګډون ۴ نور ټپيان شوي دي. د پوليسو په وينا، پېښه د يکشنبې په ورځ په ۲۶مه جولایي د "بايټ آف سيئټل" فوډ فېسټېول پر مهال رامنځته شوې ده. د پولیسو په وینا يو شکمن کس نيول شوی، خو د بل شکمن لټون روان دی.

د صومالیه سمندري پولیس وايي، د دوي ځواکونو د ستمبر په 29مه ایم ټي هانر 25 نومې د تېلو هغه ټانکر بېرته نیولی چې د اپرېل په 21مه د پنټلینډ ساحل ته څېرمه وسله والو سمندري غلو تښتولی وو. د عملې د ځینو غړو د وژل کېدو او ټپي کېدو رپورټونه هم ورکړل شوي دي. په پالاو بیرغ روان دغه ټانکر کې ټول 19 کسان سپاره وو چې پکې 10 پاکستانيان شامل وو.

دخېبرپښتونخوا د لکي مروت د عبدالخېل په سيمه کې په 26م ستمبر نامعلومو وسله والو پر يوه لوډر رکشه ډزې کړې چې په کې د سيمه‌ ييزو ځوانانو په ګډون درې کسان وژل شوي او درې نور ټپيان شوي دي. د شاه حسن خيل تاڼې پوليسو په وينا، پېښه هغه مهال شوې چې د عبدالخېل اوسېدونکي ځوانان په شاه حسن خېل کې د کرکټ له لوبې وروسته په لوډر رکشه کې خپلو کورونو ته روان وو.

د امریکا پنسلوانیا ایالت په بټلر ښار کې د ۲۰۲۴ کال په ټاکنیزو غونډو کې پر ولسمشر ډونالډ ټرمپ باندې د حملې پر مهال له دوو سختو ټپي شویو کسانو څخه یو کس د ۷۶ کلنۍ په عمر مړ شوی دی.

په داسې حال کې چې واشنګټن تراوسه په ښکاره د تهران هغې طرحې ته ځواب ندی ویلي چې د هرمز تنګي د بیا پرانیستلو لپاره یې وړاندې کړې خو راپورونه وایي چې ولسمشر ډونالډ ټرمپ دا وړاندیز رد کړی دی. د هرمز تنګی چې د نړۍ د تېلو د اکمالاتو یوه مهمه سمندري لار بلل کیږي، د امریکا او ایران ترمنځ د شاوخوا اوه میاشتنیو شخړو په اصلي محورکې ده. که څه هم دغه جګړه اوس په ټپي دریدلي حالت کې ده خو ورسره روانه اونۍ د منځګړیتوب نوې هڅې شوې دي. د فرانسپرس خبري اژانس د راپورله مخې د ایران د بهرنیو چارو وزیر عباس...

په خوست ولایت کې ناچاوده مهماتو د چاودنې له امله دوه ماشومان وژل شوي او یو بل ماشوم ټپي شوی دی. دا مهمات د افغانستان د اوږدو جګړو له کلونو پاتې و. د طالبانو د خوست د پولیسو ویاند طاهر احرار د سې شنبې په ورځ ویلي چې دا پېښه د دغه ولایت په علیشېر او تریزیو ولسوالیو کې شوې ده. نوموړي ویلي، د پېښې د څرنګوالي او علت په اړه پلټنې پیل شوې دي. په افغانستان کې د لسیزو جګړو پاتې ماینونه او ناچاوده مهمات لا هم د ملکي وګړو، په ځانګړي ډول ماشومانو، لپاره له جدي ګواښونو څخه دي.

د مردان په تخت بایي "سري بهلول" پولیس پوسته باندې د ستمبر په 14مه دشپې ناوخته پوليسو د وسله والو د لاسي بم برید شنډ کړی دی. د پولیسو په ځوابي اقدام کې بریدګر ووژل شو او درې پولیس والا ټپيان شوي دي۔ د مردان د پوليسو وياند محمد فهيم مشال ډيجيټل ته وويل چې د شپې شاوخوا 12 بجې یو نامعلومه ترهګر د "تخت بائي" پولیسو سټېشن په حدودو کې د "سري بهلول" پولیس پوستې باندې د لاسي بم برید وکړو، خو په څوکۍ کې موجود سنتري لخوا په وخت جوابي کارويائي کې ددوي په وينا بریدګر ووژل شو۔

د خېبر پښتونخوا په کوهاټ ضلعې کې د کم عمره ماشوم سره د مبینه بدفعلي په قضیه کې تورن د پولیسو په ډزو کې زخمي حالت کې نیول شوی. د یادې ضلعې پولیسو ویاند نعمان زیب د سپټمبر په درېمه نېټه مشال ډیجیټل ته استولي یو خبري پاڼه کې ویلي تورن نور د چارسدې اوسېدونکی او اوس د کوهاټ په ټپي سیمې اوسېږي چې ماشوم سره د بدفعلي په مقدمه کې پولیسو ته مطلوب و.

د امریکا ولسمشر ډونالډ ټرمپ ویلي، د ایران مشر مجتبی خامنه ‌ای لا ژوندی دی، خو په یوه برید کې سخت ټپي شوی دی. ټرمپ دا خبره د امریکا له راډیو ویاند ګلین بیک سره په مرکه کې کړې ده. هغه ویلي: «زه فکر نه کوم چې هغه مړ دی. هغه ډېر سخت ژوبل شوی و، د بدن هر ځای یې ژوبل شوی دی، خو زما په فکر مړ نه دی.»

د متحدو ایالتونو ولسمشر ډونالډ ترمپ وایي چې د ایران رهبر مجتبي خامنه یي د روان میلادي کال په پیل کې د امریکا – اسرائیل په ګډو عملیاتو کې سخت ټپي شوی وو خو مړ ندی.

اسرائیلو د سوریې په جنوب کې، اشغال شوو جولان لوړو ته څېرمه، یو موټر په ډرون برید کې په نښه کړی چې له امله یې یو کس ټپي شوی دی.

د امریکا دفاع وزارت (پینټاګون) وایي، د ایران سره د روانې جګړې له پیل راهیسې تر اوسه ۶۲۴ امریکايي پوځیان ټپیان شوي دي. دا تازه شمېرې وروسته له هغې مخې ته راغلې چې په وروستیو ورځو کې د پینټاګون د مرګ ژوبلې د شمېرو په اړه پوښتنې او اختلافونه راپورته شوي وو. د راپور له مخې، یوازې د جولای له …