Adituen arabera, eskaera handiagoak eta gasaren garestitzeak eragin dute igoera.

Interkonexio elektrikoa 2027aren amaierarako edo 2028aren hasierarako egongo da martxan. Lanak erritmo onean doaz, baina baliteke itsasoaren egoerak epeak luzatzea. Azpiegiturari esker, bi estatuen ar...

Haren desagerpena 2026ko hirugarren hiruhilekorako % 30eko murrizketarekin hasiko da.

Argiaren erritua berpiztea. Argindarra iritsi aurretik, egunerokoak erabiltzen ziren kriseiluak etxeak eta lantegiak argiztatzeko, eta ezinbesteko tresna ziren herritarrentzat. Objektu hori gaurkotu dute aurten Bitaminek eta San Telmo museoak antolatutako HAU diseinu lehiaketan.

Erregaiak dira oraindik ere goranzko presio handiena egiten dutenak, Irango gerrak eragindako shock-ak irauten duen seinale. Hala ere, eragin hori leundu dute, nolabait, elektrizitatearen prezioaren j...

Enhol taldeak 100 milioi euro inbertituko ditu Costa Rican parke eoliko bat eraikitzeko. Costa Ricako Naiad Renovables enpresarekin lankidetzan bultzatuko du proiektua. 43,2 MWeko potentzia izango du, eta etorkizunean argindarra salerosteko aukera izango du.

Kuba pixkanaka berreskuratzen ari da, astebetean bigarren itzalaldi nazionala 24 orduz egin ondoren. La Habanan elektrizitate-zerbitzua berrezarri da guztizkoaren % 70 inguruan, ospitaleak dauden zirk...

Nafarroa eta Araba zeharkatzekoa zen tentsio handiko linea bat atzera bota du Madrilek. Zaragozan aerosorgailuak eraiki eta argindarra Gasteiza garraiatu nahi zuen proiektuak. Konexio baimena lortzeko epea pasa izanagatik bota dute atzera proiektua.

Eslovakiak ultimatima egin dio Ukrainari. Robert Fico lehen ministroaren esanetan, Ukrainak astelehenean ez badio berriro bide ematen Druzhba oliobidearen bidez Errusiatik iristen den petrolio hornikuntzari, egun horretan bertan etengo du Ukrainari larrialdi kasuetan ematen dion argindarra.

Trantsizio Ekologikorako eta Erronka Demografikorako Ministerioak bultzatutako Errege-Dekretu berriaren arabera, elektromendekoei eta zaurgarriei ezingo zaie argindarra eten ordaintzen ez badute ere, ...

Argindarra telefonoz kontratatzea debekatuko du Espainiako Gobernuak. Salbuespen bat izango du debekuak: bezeroak espresuki hala eskatzen badu egin ahal izango du kontratua telefono bidez. Gutxienez 600.001 euroren isunak izango dituzte araua hausten dutenek.

Errusiak eraso masibo bat egin du Ukrainako energia azpiegituraren kontra. Ukrainako agintariek argindarra moztu dute herrialdeko hainbat eskualdetan. Bonbardaketek hiru hildako, gutxienez, eta dozenaka zauritu eragin dituzte.

Inflazioak %3,1ean jarraitzen du, baina abenduan jaistea espero da. Elikagaiak dira inflazioaren motorra: arrautzak duela urtebete baino %35,7 garestiago daude eta behi haragia, berriz, %21,2. Argindarra, ordea, merkatu egin da azaroan eta erregaiak ere beheranzko bidean daude.

Lehen aldiz munduan, argindar gehiago sortu da berriztagarriekin ikatzarekin baino. Elektrizitate eskariaren gorakadari iturri berriztagarriekin soilik erantzun ahal izan zaio urteko lehen erdian. Emberren arabera, hamarkada hau amaitzerako energia fotovoltaikoa izango da munduan argindarra ekoizteko bide nagusia.

Itzelezko dirutza, 13.590 milioi euroko inbertsioa, joango da Espainian elektrizitatea garraiatzeko sarea handitu eta hobetzera, gaur Sara Aagesen Trantsizio Ekologikorako ministroak iragarri duenez. Sareen datozen bost urteetarako planifikazio proposamenean, garapenaren zati handiena argindar eskaria betetzera joango da, ministerioak horretarako jasotako eskaerak 7.000tik gora izan baitira, eskaera guztien %41. Energia sorkuntzaren konexio eskaerak, berriz, %40 hartu dute, eta eskaeren %19 izan dira argindarra biltegiratzeko proiektuetarako. Planifikaziorako proposamen honen arabera, argindarra garraiatzeko sareak —Redeiak kudeatzen du— 27,7 GW zerbitzatuko ditu, 2026ra arteko planak aurreikusitako 2 GW-ak baino hamalau aldiz gehiago. Aagesenek azaldu duenez, konexio eskarien hazkunde nabarmena argindarra banatzeko sarean ere ari da gertatzen, eta proposamenak aurreikusten dituen 422 konexio hedapenetatik 196 argindarra banatzeko sarea —argindar konpainiek kudeatua— sustengatzera joango dira. Aste honetan bertan, argindar konpainiek argitaratutako kontsumorako kapazitate mapetan, agerian geratu da argindarra banatzeko sarea lepo dagoela Espainian, eta baita ere Hego Euskal Herrian. Ildo horretan, ministroak deia egin die argindar konpainiei, lehia agintariek fakturetan ezarritako ordainsarietan jasotakoaz gain, «inbertsio ahalegin handiagoa» egin dezaten. Bilera Madrilen Argindarra banatzeko sarea sustengatzeko konexioetan, 9 GW industria proiektuetara joango dira. Hain zuzen, deskarbonizazioak eta berrindustrializazioak dakartzaten konexio beharrei garrantzia handia eman dio Eusko Jaurlaritzak azken hilabeteetan. Eta Aagesen ministroak EAE aipatu du gaur sareko kapazitatea handituta ikusiko duten erkidegoen artean, eta segidan gaineratu du «zalantzarik gabe industria dela [planifikazioaren] protagonista». Mikel Jauregi Eusko Jaurlaritzako Industria sailburuak begi onez hartu du Trantsizio Ekologikorako Ministerioaren plangintza proposamena. Jaurlaritzaren arabera, erkidegoak 6.000 MW gehiago behar ditu, enpresen beharrei aurre egiteko. Datorren astean, ministerioa eta industria saila gaiaz bilera egitekoak dira Madrilen.

Madrilgo Bess Development enpresaren Bess Lezama proiektuak baiezkoa jaso du Eusko Jaurlaritzaren Industria, Trantsizio Energetiko eta Jasangarritasun Sailaren partetik. Lezaman (Bizkaia) 66,88 megawatt-orduko potentziako argindar biltegi bat egiteko bide administratiboari ekin zion sozietate hark, eta Gasteizko gobernuko Ingurumen Administrazioren Zuzendaritzak ondorioztatu du egitasmoa «bateragarria» dela hartuko dituen eremuetako ingurumen, paisaia, gizarte eta kultur balioekin, EAEko aldizkari ofizialean argitaratu dutenaren arabera. Behin baimenak lortuta, planta sei hilabeteko epean eraikitzea aurreikusten dute. Bess Developmentek argindarra biltegiratzeko beste bi planta martxan jartzeko asmoa du Bizkaian: Barakaldo eta Gueñes udalerrietako biltegietarako baimena eskatu duen enpresa berak bultzatu du Lezamako proiektua. Nerbioi ibarreko ezkerraldeko egitasmoak 81,2 megawatt-orduko kapazitatea izango du, eta nahiko aurreratuta dago: Eusko Jaurlaritzaren eraikitzeko baimena jaso du jada, eta Barakaldoko Udalak lizentzia eman dio jarduera aurrera eramateko. Gueñeskoari dagokionez, 85 megawatt-orduko kapazitatea izango du, eta Eusko Jaurlaritzak aurretiazko administrazio baimena eta eraikitzeko baimena eman dizkio jada Bess Developmenti. La Jarako azpiestaziotik gertu egongo da, eta bertara konektatuko da. Gasteizko gobernuak martxoan eman zion aldeko ingurumen inpaktuaren adierazpena. Behin Jaurlaritzaren baimena edukita, jarduera ahalbidetzeko udal lizentziak behar ditu enpresak. Lezamako biltegiratze zentroa Txorierriko udalerri haren kanpoaldean egingo dute, eskualdea errepidez zeharkatzen duen korridorearen ondoan, eta ez oso urrun Larrabetzuko mugetatik; Lezamako dorretxetik gertu dauden industria lurretan, alegia. Lau megawatt-ordu pasatxoko hamasei bateria jarriko dituzte, eta 66,88 megawatt-orduko biltegiratze ahalmena izango du. Gordetako argindarra Asua eta Galdakao lotzen dituen linea elektrikora bideratuko dute, lurrazpiko 30 kilovolteko linea batekin. Argindarra biltegiratzeko Lezamako plantak 2.500 metro koadrotik gorako azalera izango du. Bateria biltegiak Energia berriztagarria ekoizteko azpiegiturek ekoizpen handiko uneetan sobera sortzen duten argindarra biltegiratzea da bateria biltegi handien helburua, ekoizpena txikiagoa den uneetan —eguzki edo haize gutxi dagoenean— sarera argindar hori bera bidaltzeko. Horretarako, litio ferrofosfatozko bateriak erabiltzen dituzte. Hala ere, teknologia hori ez da asko garatu oraindik, erronka handiak baititu sektoreak. Izan ere, energia kantitate handiak biltegiratzeko azpiegitura handi eta garestiak behar dira. Euskal Herrian martxan dagoen proiektu bakanetariko bat Iberdrolak Oiz mendian (Bizkaia) jarri zuen 3,5 megawatt-orduko kapazitateko pila da. Han dauden haize errotek sortzen duten energiaren zati bat biltegiratzen dute. Proba pilotu moduan dago martxan.

Euskal Autonomian Erkidegoan %3an kokatu da KPIa. Nafarroan, aldiz, %2,7an

Statkraftek Azpeitia, Zestoa eta Errezil artean (Gipuzkoa) egiteko asmoa duen Piaspe parke eolikoari kontrako ingurumen inpaktu adierazpena igorri dio Eusko Jaurlaritzak, errotek eta argindarra garraiatzeko azpiegiturek eragingo luketen kaltea dela eta. Bereziki, mendialde horren «ingurumen sentiberatasunagatik» eta hegaztien ugalketarako gakoak diren espazio izateagatik ukatu diote parkeari ingurumen baimena. Hori dela eta, proiektua ingurumenaren ikuspegitik «bideraezina» dela ebatzi dute. Izan ere, aurreikusi dute hegaztiek azpiegituren aurka talka egiteko «arrisku handia» izango dutela, eta Natura 2000 Sareko espazioengain kalteak eragingo dituela. «Horregatik, ardura eta kautela printzipioak aplikatuz, eta ingurumen ebaluazioa oinarritu behar den prebentzio beharrean oinarrituta, ingurumen organo honek Piaspeko proiektua kaltegarri gisa baloratzen du», dio BERRIAk irakurri ahal izan duen ebazpenak. Hegaztien ugalketari dagokionez, haize errotak jartzekoak ziren ingurutik gertu sai zurien, sai arreen eta miru gorrien hainbat habi daude. Statkraftek igorritako txostenean zioen inguruko hegaldi gehienak haize erroten palen mugimenduarekiko paraleloak zirela, eta perpendikularrak, berriz, «salbuespenak» zirela, baina Gipuzkoako Foru Aldundiko Fauna eta Flora Zerbitzuak berrespen hori gezurtatu du, eta hegaztiei jarritako GPS aparailuekin lortutako datuak jarri dituzte mahaiaren gainean. Azterketa horiek hegazti harrapakarietan egin dituzte, baina zerbitzuak gehitu du babes maila handiko beste hegazti eta saguzar batzuei ere egingo lieketela kalte haize errotek. Enpresak kolisioen kontrako neurriak proposatu zituen, baina fauna basatiaren kudeaketaren eskumena duen organoak adierazi du neurri horiek ez daudela definituta, eta proiektuak, beraz, ez duela behar besteko bermerik eskaintzen. Bestalde, begetazioa dagoen 8.000 metro koadro baino gehiago lirateke betirako kaltetuak, eta «interes komunitarioko 4,6 hektarea habitat» ere betirako kaltetuta geratuko lirateke. Hasieratik arazo Statkraften asmoek bazterrak nahastu zituen lehen unetik Urola Erdian. Proiektua ezagutu eta berehala eskualdeko plataforma batzuk, Sañu Bizirik esaterako, zentral eolikoaren kontra agertu ziren, eta handik gutxira plataformen iritziek talka egin zuten udalen eta enpresaren iritzien kontra, Azpeitiko Soreasu antzokian egindako proiektuaren aurkezpenean. Eta harrabotsak proiektua egitekoak ziren hiru udaletan ere izan zuen eragina, jarrera ezberdina izan baitute, nahiz eta hiru alkateak EH Bildukoak izan. Zestoako Udala, esaterako, nahiko hasieran aldendu zen proiektutik; Mikel Arregi alkateak 2022ko azaroan adierazi zuen une horretan ez zitzaiela bideragarria iruditzen proiektua, baina aztertzeko eta hitz egiteko prest agertu zen. Ez da lehen aldia Statkraften proiektu batek ezezkoa jasotzen duena Euskal Herrian. Urte hasieran, Norvegiako enpresaren Itsaratz proiektuak ere ingurumenean kalte gaindiezinak eragingo zituela ebatzi zuen Espainiako Gobernuak. Handik gutxira, martxoan, Aixeindarren Laminoria zentral eolikoari ere ezezkoa eman zion Eusko Jaurlaritzak; bai, ordea, parke fotovoltaikoari.

Goizaldeko 01:00ak aldera argindarra joan da herri osoan eta bi ordu igaro arte ez dute lortu lehengoratzerik.