Javier Landetaren aroa amaituta, inoizko kopuru handienarekin egingo dira gaur Euskadiko Futbol Federazioko hauteskundeak. Besteak beste, datozen lau urteetan federazioa gidatzeko helburuz hiru hau...

Gabonak magiari lotu ohi bazaizkio ere, zentzu handiagoa du diruari lotzea. Eguberrietako loteriarekin hasten da eta Errege Egunekoarekin amaitu. Batzuk aparteko ordainsaria jasotzen dugu, eta deno...

Badirudi Euskaraldia ez dela Guggenheim Museora iritsi. Barakaldon oinarritutako suediar multinazional batek Bilboko museoan antolatutako ekitaldi batean egon ondoren berriz ere atzerritar sentitu...

Urdaibaiko Guggenheim proiektuaren gaiak harrituta nauka. Nahiz eta erakunde publikoek esan proiekturik ez dagoela eta entzute ariketa egingo dutela, Bilboko Guggenheim Museoaren web orriko menuan...

Taldeak lau puntu besterik ez du lortu azken bederatzi jardunaldietan, eta, hori dela eta, zuzendaritzak kontratua eten dio entrenatzaile espainiarrari. Bi urte eta erdian zuzendu du taldea. Klubak...

🗣 Paula Ostiz. Movistarrekin debuta egin berria da Ostiz, eta datorren astean Ruandako Munduko Txapelketan lehiatuko da, junior mailan. Garaipena du begiz joa, errepidean zein erlojuaren aurka. «Irabaztea daukat buruan; urrezko dominak bakarrik nahi ditut ».

Dario I.ak, Persiako enperadoreak, Susa hiriburuan eraiki berri zuen palazioaren paretetan material guztien jatorria idaztea agindu zuen K.a. V. mendean, egungo produktuen etiketek baino informazio...

Orduko euskaldun askok euren begiz ikusi zuten Beasainen, 1966an, Munduko Ziklo-kross Txapelketa irabazi zuenean. Lehenengoa zuen. Gerora, zazpi aldiz irabaziko zuen txapelketa hura orotara. Joan z...

Ziur nago ez dakizula, baina aurten María Paz Jiménezen urteurrena ospatzen dugu. Orain 50 urte, diktadorearen urte berean, hil zen frankismo garaiko euskal pintorerik garrantzitsuena. 60 urtean Mo...

«Pozik» dago Joana Halzuet (Miarritze, Lapurdi, 1997) Arraun Lagunak-eko patroia. Baditu motiboak. Haren taldeak hirugarrenez jarraian irabazi du Euskotren liga, laugarrena historian. Asteburuan ospatu dituzte ospatu beharrekoak, eta beste bandera preziatu bat dute orain begiz joa: Kontxakoa. Bada azpimarratu nahi izan duen beste kontu bat ere: «Aurten Iparraldeko lau aritu gara Euskotren ligan, eta hori garaipen bat da guretzat. Bixente Etxegarai Lapurdiko Arraun Taldeko presidentea eta beste zenbait itzaleko lanean ari dira, eta haiei esker gaude hemen». Hasteko, zorionak. Zer moduz zaude? Ongi, oso pozik, aje emozional pixka batekin. Aspalditik ari ginen momentu hau itxoiten. Sasoi guztian maila bati eustea ez da erraza; ongi atera zaigu. Larunbatean ja bagenekien liga irabazita genuela, orduan, horrek ere lasaitasun puntu bat eman zigun. Oso pozik gaude. Gozatu zenuten atzoko eguna? Ondo joan ziren ospakizunak? Egia da, arraunketa aldetik, asteburu honetako estropadak ez zaizkigula nahi bezain ongi atera; ez dakit, faktore asko dira hor sartzen direnak. Baina emaitza hortxe dago: liga irabazi dugu. Behar bezala ospatu genuen: bazkari handi bat egin genuen, banderak astindu, txaranga, kalejira Parte Zaharrean... Ongi, bai. Entrenatzaileak eman dizue atseden hartzeko aukerarik? Edo entrenamendua duzue gaur? Gaur entrenamendua bada; uretara ez, eta nahiko arina, baina bai, egingo dugu. Oraindik denboraldia ez da bukatu, beste erronka handi bat dugu aurrean. Oro har, nola joan da liga? Nolako balorazioa egiten duzu? Balorazio orokorra oso ona da. Egia da ez ditugula pasa den denboraldiko emaitzak lortu, baina emaitza bikaina lortu dugu, hala ere. Hamasei estropadetatik, lau kenduta, beste guztiak irabazi ditugu. Alde horretatik oso positiboa izan da, oso baikor gaude. Lortu dugu berriro ere egonkorrak izatea. Larunbatean estropada irabazita borobildu zenuten ligako garaipena, orduan lortu baitzenuten matematikoki txapeldun izatea. Hori zen helburua? Bai, ahal bezain azkar izan nahi genuen txapeldun. Igandean, ahal bagenuen, burua lasai izan, eta liga ahal bezain azkar lortu; horren bila joan ginen. Egia da ere astebururo estropadaz estropada joan garela. Hori zen Etxabek [Juan Mari, entrenatzailea] eskatu ziguna. Estropada bakoitza bata bestearen atzetik hartu dugu, eta azken biak ere horrela izan dira. Atzo, berriz, bigarren izan zineten Getarian, Tolosaldearen atzetik. Pena apur bat duzue? Tira, pena ez dakit, frustrazio pixka bat bai. Bezperan segundo bat-bi gure aurretik ibili ziren, eta azkenean lortu genuen haiek aurreratzea. Pentsatzen dut haiek ere amorru biziz lehiatu zirela larunbateko estropadarengatik. Gu seguru eta irmo atera ginen; agian, inkontzientean faktore batzuk badira, erlaxazio puntu bat edo. Ez da hori guk planteatu genuena, baina gertatu zen. «Oso pozik gaude. Aspalditik ari ginen momentu hau itxoiten. Sasoi guztian maila bati eustea ez da erraza; ongi atera zaigu» Denboraldian zehar, batez ere hasieran, izan dira taldearen inguruko zurrumurruak eta zalantzak. Nola bizitu zenuten hori? Gure lana egiten segitu dugu. Uste dut Arraun Lagunak-ek urte zailak edo zailagoak ere ezagutu dituela, eta hala ere emaitza bikainak ateratzea lortu du. Ekipoa pixkanaka joan da sendotzen, lan handia egin da barrutik. Konfiantza izan duzue uneoro zuen buruengan? Bai, bai. Landu dugu eta lortu dugu hori gure artean, lan eginez eta ikusiz entrenamenduetan trainerua azkar joaten zela. Horrekin jarraitu dugu, eta pixka bat ahaztuz-edo inguruan esaten zena, ez kutsatzeko. Hain zuzen, marka historiko bat ezarri zuen iazko sasoian Arraun Lagunak-ek, bandera guztiak irabazita. Oso zaila da halakoak lortzea. Espektatiba handiegiak zeuden agian? Presioa sorrarazi dizue horrek? Bagenekien historikoa zela pasa den urtekoa, eta badakigu horren atzean den lan ikaragarria. Badakigu ere emakumezkoen ligan maila igotzen ari dela, eta nik uste traineru bakoitzak salto bat eman duela. Aurten hori gehiago antzeman da agian, lehia estua izan delako. Baina presioa ez, badakigu denboraldi bakoitza beste zerbait dela, urte batetik bestera mailak beste traineruetan ere aldatu ahal direla. Orduan, hasieratik esan genuen orri berri bat hastekoa zela. Hala ere, nahiz eta ez diren bandera guztiak, gehienak eraman ditugu, eta hori bigarren marka historikoa bezala da. Zer nahiago: iazko denboraldia, dena aise irabazita, edo aurtengoa, lehiatuagoa? Zaila da hori esatea, eta niretzat zaila da erantzutea, ez bainintzen egon pasa den urtean. Baina tira, ez dakit, agian ikusleentzat eta gu ere gure konfort zonatik ateratzeko polita izan aurtengoa. Pentsatzen dut ere garrantzitsua dela lehia izatea traineruen artean; horrek erakusten du ere ezer ez dela erraza, eta pasa den urtean egindakoa benetan historikoa dela. Lan gogorra dago gibeletik, eta lortutakoa ez da bakarrik etortzen. Aurten hori agian pixka bat gehiago ikusi da. Erlaxazio momentu batengatik edo faktore txiki batengatik zure trainerua ez badago %100ean besteek ez dute huts egiten. Zure lehen urtea izan da Euskotren ligan patroi lanetan. Zer moduz sentitu zara? Ongi. Uste dut sasoian zehar joan naizela konfiantza hartzen, nire egiteko moduak-edo hartzen, nire markak, eta ongi; gozatu dut. «Uste dut sasoian zehar joan naizela konfiantza hartzen, nire egiteko moduak-edo hartzen, nire markak; gozatu dut» Denboraldia oraindik ez da amaitu: Kontxako Bandera ate joka dago. Nolakoak izango dira hurrengo bi asteak? Bai, erronka handia dugu aurrean, beste erronka bat; hor ere ez dugu huts egin nahi. Prestatzaile fisikoak eramango du plana, eta entrenatzaileak, baina helburu horri begira jarriko gara lanean. Aurten ez dugu sailkapen estropadarik jokatuko; orduan, horrek ahalbidetuko digu ere beste modu batera entrenatzea, prestatzea. Badakit ekipo guztia erabakitasunez dela, eta horretara jarriko garela. Aipatu bezala, lehen aldiz ez duzue sailkapen estropadarik jokatu beharko. Zer iritzi duzu horren inguruan? Iruditzen zait, esan zen bezala, zuzenagoa dela. Donostiako bi talde gara, eta biak aukera berdinak edukitzea garrantzitsua da. Orduan, ongi deritzot. Aurten guri tokatu zaigu. Arraroa izango da, ze ez da inoiz gertatu, baina ongi. Tolosaldeak indartsu amaitu du liga; Orio ere ondo aritu da. Horrek ere ematen omen dio prestigioa eta ikusgarritasuna arraun denboraldiari. Bi traineru horiek dira zuen aurkari nagusiak? Bai, pentsatzen dut baietz. Haiek izan dira liga guztian hor egon direnak, eta nire ustez gure erabakitasun berdinarekin aterako dira Kontxako Banderaren bila. Bi traineru indartsu dira, eta ez digute utziko huts egiten. Hain zuzen, Donostian jokatutako estropada Tolosaldeak irabazi zuen. Kontxako Bandera irabaztea azken urteetan baino zailagoa izango duzuela uste duzu? Ez nituzke konparatuko ligako estropada hori eta Kontxa. Beste faktore batzuk badira: Kontxakoa oso bandera berezia da, eta horretarako prestatuko gara denak. Egia esan, ez dakit baden faborito bat edo ez, baina argi dudana da traineru bakoitza joango dela horren bila; orduan, ikusiko da. Guk gure lanean jarriko dugu arreta, beste Kontxa guztiak bezala prestatuko dugu. Gure arraunketa lortu eta sentipen onak izaten saiatuko gara. Modu berezian prestatuko duzue lehia? Ala ohiko entrenamenduak egingo dituzue? Ez dakit zer datorren orain, egia esan [barrez]. Prestatzaile fisikoak du plana, baina badakit dena oso kontrolatua duela: epe bakoitzean zer egin, gorputzak eta burua nola zaindu... Besteak bezala prestatuko dugu, baina badakigu denok Kontxak baduela zera hori. Arraunlari bakoitzaren buruan, nirean, eta denenean horixe dago: hurrengo gerlaren bila. Gogoz zaudete? Bai, oso-oso gogotsu.

Bilboko Rekalde aretoak bere ateak zabaldu ditu berrikuntza lan handiak egin ondoren. Beste garai eta testuinguru batean zabaldutako arte aretoak (Guggenheim museoaren garaia baino lehen) norabide...

Madrilgo Reina Sofia Museoak Soledad Sevilla (1944) artista valentziarrari eskainitako erakusketa gozatzeko aukera izan dut, eta guztiz liluratuta geratu naiz haren ibilbidean zehar bidaiatuta. Abs...

Errusiaren inbasioa hasi zenetik laugarrenez egin du Ukrainara Zigor Aldama kazetariak. Frontean ikusi eta entzundakoen kronika egin digu 'Faktoria'-n: lubakietan dauden soldaduen egoera, gerrak gizar...

Bosgarren Euskotren liga irabazi berritan, bosgarren Kontxako Bandera du begiz jota Xubane Uribarrenak (Gros, 1999).

Nico Alustiza: ilusioz beterik Itzuliko tropelaren parte izateagatik. Euskaltel-Euskadik begiz joa du Euskal Herriko Itzulia. Nico Alustiza lehen aldiz ari da hartan. Sasoi hasierako lan onari eustea eta lehiakor izatea dute helburu bai taldeak bai Alustizak berak.

Realak eta Osasunak begiz joa dute Europa. Txuri-urdinek eta gorritxoek derbia jokatuko dute gaur, Anoetan. Osasunak irabazi egin ditu ligan Anoetan jokatutako azken bi partidak. Kopan, berriz, Reala nagusitu zen, penalti jaurtiketetan.

🗣 Maitane Etxeberria. Europatik kanpo geratu ondoren, Bera Berak begiz jota ditu liga eta Kopa. Ligako partida guztiak irabazi dituzte orain arte, azken biak izan ezik. Horren inguruan, Etxeberriak esan du nabaritzen dela multzoa gaztea dela.

Zaldua aita-semeek odolean daramate aizkora. Bakoitza bere mailan, lehiakor ari dira aizkora txapelketetan Xabier eta Jon Zaldua. Aitak Euskadiko finala dauka begiz joa, eta semeak, 18 urtez azpiko lehia. Aitaren ametsa da egunen batean biak elkarrekin aritzea.