Laamu Nigeria ƴettii anniiya wurtingol durduɗe - nokkuuje keertaaɗe ngam aynooɓe nder leydi ndin. Ko taskaram waylugol durngol ɓooymawol ngol finaa-tawaa yahgo durngol jamaanu. Durduɗe ɗee keewtanɗe 417 fuɗɗaama e diiwal Pulaato, rewo hakkunndeere Nigeria. Diiwe goɗɗe jowi taskitaama ngam weernugo aynooɓe, to laamu leydi ñiɓanta waynaaɓe kala are durngol jamaanu ba aawugol geene, ndiyam, janngirle e ñawndorɗe (sofrorɗe) ngam weltaare aynooɓe. Nuldiraaɗo RFI Fulfulde ton to Nigeria Naseh Yusuf Usman hawtanii-en jantoore men hannde, keɗooɗen.

Côte d’Ivoire, laamu ngun ƴettii pehre wurtugol sariya salndu finaa-tawawaaji ɗin, fii no ɗi wonira e juɓɓundi golle. Sariya on fuɗɗete huuwtoreede ka lewru 10ɓuru. Kono yoga e pehe goɗɗe no addi duko wano ka wi'aa tiginde yonaynde milyonji 10 CFA. E tumbondiral hanki e aljuma, mojobere gollooɓe ɗuuɗuɓe torike yo sariya on firte.

Haa leydi Cameroun, koo bee keewal ɗsbiyaaji e fina tawa, laamu asli laati aynorde caaliiɗi, hakkilanoowo hande e ɗowoowo jango. Bana Didango nder tuutawal bamun e Mokolo haa nder Mayo Tsanaga. Laamuuji ɗiɗi, taariha 2, ammaa ɗaɗol gootol. Ɗum laamu Fulɓe. Hakkunde tokkuki laabi fero joonde duniyaaru jontaaru e aynugo risku fina tawa, koo bee neeɓeenga wakkati, tuutaaje ɗen laati jayngol leñol. Noy ɗe caalori wakkati e ɗe njogitori ndonguuji ɗin, bee joonde hande?Jawaabu ɗobtawe haa mbojokku jahaangal luldiɗiraawo amin to Cameroun, Roufaou Baba Ashwariya.

Gine tinndi e taali hino hettude cembe mun seeɗa seeɗa. Sabu oo finaa tawaa leydi Afrik ko huunde hittunde haanaande wurniteende. Fii kala caɗeele hino woodi, taalooɓe e jannooɓe taali hino woodi Gine hayi Conakry ko laamorde. Moussa DOUMBOUYA, lollirɗo petit tonton sincuɗo suudu kumakan ɗun hino firi nokku wowlirɗo hino tawaa e womɓe wurnitude taali e tindi. Heɗoɗen jantoore mawnde nde Mamadu Jongaasi BAH waɗani en.

To Burkina Faso, laamu nguu ƴettii pellital haɗde pijirlooji 18 jogornooɗi waɗeede e wertaango leydi ndii. Faandaare ndee, e bi'ol jaagorɗo tammbiiɗo alhaali finaa-tawaa leydi ndii, ko laɓɓitinde oo fannu mbele ina yahda e horma e ɗooftaade ngonka moƴƴa renndo Burkina e kuuɓal. Laamu nguu anndinii wonnde pijirlooji baaɗi noon mbonnata ko ngonka peewka ka leydi ndii aadorii to bannge finaa-tawaa. Bokar TALL.

Ɓaawo ko ɓuri duuɓi teemedere ko tabalde Djiidji Ayokwe wujjanoo, nde artiraama Côte d’Ivoire e lewru 3ɓuru yawtundu nduu. Ndee tabalde hormaande leñol Bidjan en, koko suuɗanoo gila nde arti. Kono aljuma hanki e mawningol duuɓi 66 jeytaare leydi ndii, nde yaltinaama e sahaa ñaaƴo konu nguu. Nde ittaa ɗoon, nde nawaa to tummbondiral finaa-tawaa to Adjame, nokkuure ɗo faraysenaaɓe ɓee ngujjunoonde e hitaande 1916. Jantoore Abdoul Aziz Diallo

¿La buena noticia? Ya no hace falta usar calzadores, ni curitas para protejer los talones. Así se llevan estos zapatos de tacón en tendencia.

Heɗiyannkooɓe RFI Fulfulde on salminaama. Ka Ka taskaram men Ko Mbiiɗon ? hiɗen jaɓɓiihannde ka ñiiɓirde rfi fulfulde fedde naalannkoɓe ginenaaɓe gollitorooɓe alaaji finaa-tawaajinodirteeɓe "Danndaa mi hersa". No jeyaa e ɗen  Amadou Baro Sow, Abdoulaye Barry Marela,Mamadou Dian BAH Linsan e Saidou Sow. En yewtiday e maɓɓe ko yowitii  e eɓooje ɗe ɓefokinntini fii ndee hitaande 2026 e fii ngal guɓal maɓɓe e ɗii . Ummu BAH

Guinee : Hiɗen yiida e nalankoojo noddirteeɗo "Slim Nary" innde tigi makko ko Ibrahima Kante.. Tawaaɗo e sukaaɓe wonuɓe e ƴellintinde gimi GUINEE, ko garli finaa-tawaaji Fulɓe fuuta Jaloo  o yimata. O naalankoojo ko fii dewle, giggol, needi e eltugol sukaaɓe o yimata. Mamadou Adama Diallo

Jam-ñaaƴo, kesamaagu mahanteeri no ɓeydaade sanne, ɗum no faaɗinde yoga e mecce finaa-tawaaje no jeyaa e mum nokkeeli ɗo  daabeeji aynee. Ngaynaaka no famɗii jooni ɗum no addani aynooɓe ɓen caɗeele mawɗe. So tawii feere moƴƴere heɓaaki, ngal meccal ngal duuɓi ujune mutan e ndee nokkuure. Assan BA waɗii jantoore e dow ndee toɓɓere, keɗoɗen mo.

Senegaal, haalde ko faati e cellal hakkille ko huunde sattunde. Kulol, cañol, ɓittere hakkile... Heewɓe ina suuɗa mette maɓɓe, hay goɗɗo annda, sabu hulde no woɓɓe njiyrata ɗum en walla ñaawooje yimɓe renndo ngoo. Hakkunde finaa tawaa, miijooji renndo, e ŋakkere kabbaruuji celluɗi, on kersa ina jokki. Hol ko waɗi haa jooni ɗaɓɓude ballal walla haalde ɗum tan ina satti? Habib DIAO waɗani en jantoore.

Heɗiyannkooɓe RFI Fulfulde on salminaama. Ka Ka taskaram men Ko Mbiiɗon ? hiɗen jaɓɓiihannde ka ñiiɓirde rfi fulfulde fedde naalannkoɓe ginenaaɓe gollitorooɓe alaaji finaa-tawaajinodirteeɓe "Danndaa mi hersa". No jeyaa e ɗen  Amadou Baro Sow, Abdoulaye Barry Marela,Mamadou Dian BAH Linsan e Saidou Sow. En yewtiday e maɓɓe ko yowitii  e eɓooje ɗe ɓefokinntini fii ndee hitaande 2026 e fii ngal guɓal maɓɓe e ɗii . Ummu BAH

Jokkuɓe e diina Naasara, hino heblanaade ka lannoode yontere nde juuldeere korka iisaayankooɓe (Pâques), ngam annditugol wuuritugol iisa ka fimnde goonɗinal maɓɓe. E leydi koddiwaar, ndee juuldeere ko hootugol ka mun. Ɓeyngureeji ɗuuɗuɗi iway Abidjan yaha ka wuddu leydi ndin wano e ca’e e dowri leñol Bawleeɓe fii juuloygol e yiiditugol tummbondira e yimɓe maɓɓe wurnita finaa-tawaaji leñol ngol. Jantoore mawnde nde Abdoul Aziz Diallo nultondiraaɗo RFI Fulfulde