La sentencia del Juzgado de lo Penal nº 2 de Pamplona, por la que se condena por delito ambiental a directivos de la macrogranja Valle de Odieta, interpela directamente las decisiones del Gobierno de ...

Trumpek Mike Waltz Segurtasun Kontseiluko aholkularia kargugabetu du, eta NBEko enbaxadore izateko proposatu. 'Signal auzia'-ren erantzule izan zen, eta 101 egun besterik ez ditu egin karguan.

PSOEko Antolakuntza idazkari ohi Santos Cerdani lotutako ustezko ustelkeria kasuaren harira egin zion eskaera Nenriques Roldanek Begoña Alfarori, joan den ekainean: sozialistekin hautsi eta Nafarroako Gobernutik atera beharko luke Zurekin-en ordezkari bakarrak. Bada, eskaera hori berretsi du gaur Nafarroako Ahal Dugu-ko koordinatzaile nagusiak, iritzita koalizio gobernuajk soilik PSN hauspotzen duela, ezkerreko politikak bazter utzita. Ekainean hartu zuen Roldanek Nafarroako Ahal Dugu-ren lema, eta jakinarazi du bere taldea jada bildu dela Zurekin Nafarroa koalizioa osatzen duten alderdietako ordezkariekin. Aurreko astean bildu ziren koalizioaren exekutibarekin, eta aurrez aurre adierazi zien koalizioak Nafarroako Gobernuan izan beharko lukeen ordezkaritzari buruz duten iritzia. «Gure hausnarketa da gobernutik atera behar dela, bertan egotea koartada ezin hobea baita PSOErentzat ezkerreko gobernua dela esateko; eta badakigu ez direla ezkerreko politikak, %100 neoliberalak baizik», adierazi du prentsaren aurrean egin duen agerraldian. Roldanek azpimarratu du Ahal Dugu-ren buruzagitza berritu bada ere, alderdiaren barruan ez dela «ezer hautsi»; aitzitik, alderdiak foru gobernuan izan beharko lukeen ordezkaritzari buruz «beste iritzi bat» duela soilik. Eta zehaztu du Ahal Dugu-ko parlamentari Daniel Lopezek ere bat egiten duela zuzendaritzaren iritzi horrekin. Hiruko ituna Nafarroako Parlamentuko Cerdan auziari buruzko ikerketa batzordeari buruz, aldiz, esan du Zurekin-ek «ahots propioa» duela, eta ez duela beste alderdiak zer esango edo egingo dutenaren arabera jokatuko. Gogor egin du gobernu bazkideen kontra, eta EH Bilduri, Gero Bairi eta PSN-ri elkarrekin jardutea egotzi die; izan ere, ez du ulertzen zergatik Nafarroako lehendakariak ez duen batzordera joan beharko. «Kirrinka egiten du lehendakariak amaieraraino iritsiko dela esateak eta gero atzera egiteak. Horrek argi uzten du EH Bilduren, Geroa Bairen eta PSNren artean nolabaiteko hirukoa dagoela», adierazi du Roldanek, eta erantsi du Iruñeko Erorien Monumentua eraisteari buruzko eztabaidan ere islatzen da hiruko indar hori. «Hori da gela barruan dagoen elefantea, eta horri buruz hitz egin behar da. Horretarako sortu dute hirukoa». Ahal Dugu-ko koordinatzaile nagusiak gaurko agerraldia baliatu du, halaber, alderdiak martxan jarriko dituen bi ekimen iragartzeko. Batetik, burokraziaren aurkako bulego bat zabalduko Iruñeko egoitzan, administrazioarekin edo zerbitzuak ematen dituzten enpresekin izapideak errazteko. Eta, bestetik, Ikasgela Soziala ere jarriko du martxan, militanteen eta herritarren artean eztabaidak eta formakuntza sustatzeko.

Trumpek Mike Waltz Segurtasun Kontseiluko aholkularia kargugabetu du, eta NBEko enbaxadore izateko proposatu. 'Signal auzia'-ren erantzule izan zen, eta 101 egun besterik ez ditu egin karguan.

Gobernua hartzeko prest egoteko eskatu die Trumpek Irango herritarrei. Gainera, armak uzteko "erabateko immunitatea" agindu die Irango segurtasun indarretako kideei.