Iluntzeko zazpietan zabaltzen ziren ateak Baionako Laugan gaualdi berezia ospatzeko. GARAk 25 urte betetzen ditu aurten, Mediabaskek 10 eta Errobik...

Iturriak eta herritarren ongizatea agortuz. STOP ZUNDAKETAK – AHTrik EZ EKiMENAK prentsaurreko bat eskaini du aste honetan Idiazabalen...

Bizkaiko Foru Aldundiko iturriak aipatuz, proiektuan sakoneko aldaketen berri eman dute komunikabideek. Artaza-Romo institutuko familiei eta langileei, ordea, ez diete irtenbide argirik eman oraindik.

Nobel Akademiako iturriak aipatuz Norvegiako NRK hedabideak jakinarazi duenez, Maria Corina Machadok ez du parte hartuko Bakearen Nobel saria banatzeko ekitaldian. Nobel Akademiako zuzendariaren arabe...

AEBetako Gobernuak Gazarako egindako menia proposamenaz hitz egin du Hamasek Palestinako beste fakzioekin. Planteamenduko bermeekin «pozik» dago Hamas, haren gertuko iturriak aipatuz Efe berri agen...

Israelek bonbak jaurtita hiltzen ditu gazatarrak; baita laguntza humanitarioa jasotzera joaten direnean tiro eginda ere; eta gosez ere bai. 2023ko urriaren 7an erasoaldia hasi zuenetik, 154 pertsona hil dira Gazan goseak jota. Al-Jazeera hedabideak gaur eman du datu hori zerrendako osasun iturriak aipatuz, eta, gaineratu duenez, zer janik ez zutelako hil diren horietatik 89 adingabeak ziren. Bestalde, gaurko bonbardaketetan gutxienez 41 pertsona hil ditu Israelgo armadak; horietatik hemeretzi laguntza humanitarioa jasotzera joan direnean. Are gordinagoa da arratsaldean Gazako Osasun Ministerioak emandako azken 24 orduetako datua: 111 hildako, horietatik 95 laguntza jasotzen ari zirenak. Nazioartea Israeli gero eta presio gehiago egiten ari zaio su eten bat onar dezan. Gaur, Portugalgo lehen ministro Luis Montenegroren bulegoak iragarri du legebiltzarrean bozkatuko dutela Palestinako estatua aitortu ala ez; baiezkoak irabaziz gero, herrialdeko presidenteak oniritzia eman beharko lioke neurriak aurrera egin dezan. Irailean, NBE Nazio Batuen Erakundearen Batzar Nagusia egingo dute New Yorken (AEB), eta, asteon, hainbat estatuk iragarri dute Palestinako estatua aitortuko dutela bilkura horretan. Kanadak atzo jakinarazi zuen hala egingo duela; hori bai, baldin eta PAN Palestinako Agintaritza Nazionalak «erreforma demokratikoak» egiten baditu. Hain justu, gaur, AEBetako Estatu Idazkaritzak iragarri du zigorrak ezarriko dizkietela PANeko eta PAE Palestina Askatzeko Erakundeko kideei, «terrorismoa babesteagatik». Keir Starmer Erresuma Batuko lehen ministroak herenegun iragarri zuen irailean Palestina estatu moduan aitortuko duela Israelek ez badu su etenik onartzen, eta ez badio uko egiten Zisjordania anexionatzeari. Frantziak, bestalde, ez du baldintzarik jarri, eta NBEren aurrean Palestina estatu gisa aitortuko duela jakinarazi zuen aurreko astean. Frantziako Atzerri ministro Jean Noel Barrotek gaur salatu du GHF Gaza Humanitarian Foundationen laguntza banatzeko sistema «eskandalu bat» dela, eta exijitu du bertan behera uzteko erakundearen jarduna: «Laguntzaren banaketa militarizatua sarraskia eragiten ari da», adierazi du Zipreko Atzerri ministroarekin batzartu ostean emandako prentsaurrekoan. GHF maiatz amaieratik zerrendan janaria banatzeko Israelen baimena duen talde bakarra da; AEBetako militar ohiek eta mertzenarioek osatzen dute. IPC Jakien Segurtasunaren Faseen Sailkapen Integratuak ere salatu du erakunde horren jarduna: «GHFren banaketa planak gosete masiboa bultzatzen du», adierazi zuen NBEren agentzia horrek herenegun kaleratutako txosten batean. Gainera, IPCk nabarmendu zuen «inoizko goseterik larriena» gertatzen ari dela Gazan, eta ohartarazi zerrendan gero eta jende gehiago ari dela hiltzen «gosetearen, malnutrizioaren eta gaixotasunen ondorioz». Donald Trump AEBetako presidenteak ere asteon aipatu du lehen aldiz zerrendako irudiek iradokitzen diotela Gazako haurrak gosez daudela. Halere, Etxe Zuriko maizterraren ustez, Gazako «krisi humanitarioa» amaitzeko modu azkarrena Hamasek amore ematea eta bahitu guztiak askatzea litzake. NBEren agentziak, bestalde, ohartarazi zuen «berehalako tregoa iraunkor bat» onartzea litzatekeela egoerari aurre egiteko aukera bakarra. Alemaniak oraingoz ez Gaur, Steve Witkoff Trumpen Ekialde Hurbilerako bidali berezia Israelera heldu da. Benjamin Netayahuren bulegoak jakinarazi duenez Israelgo lehen ministroa eta Witkoff bilduta egon dira, baina ez dute xehetasun gehiagorik eman. Alemaniako Atzerri ministro Johann Wadephul ere iritsi da Israelera. Berlinek oraingoz ez du Palestina estatu gisa aitortuko Frantziak egin asmo duten moduan. Atzerri Ministerioak ohar batean azaldu du «bi estatuen konponbidea» dela bi aldeei «bakea, segurtasuna eta zilegitasuna» eskaini diezaiekeen soluzio bakarra. Horretarako, negoziatzeko unea dela uste du Alemaniak, eta ziurtatu du prozesu horren amaieran aitortuko duela Palestina estatu gisa.

Bost pertsona hil dituzte eta gutxienez 11 zauritu gaur Jerusalem ekialdean, tiroketa batean. Hori jakinarazi dute larrialde zerbitzuek. Israelgo Poliziak adierazi du ohar batean «eraso terrorista bat» izan dela, eta ustezko egileak hil dituela. Iturri ofizialen arabera, gertatutakoa ikertzen ari dira. Bien bitartean, Benjamin Netanyahu Israelgo lehen ministroa gaur zer deklaratzekoa bere kontrako ustelkeria auzi batean. Israel Hayom egunkariak lehen ministroaren inguruko iturriak aipatuz kaleratu duenez, baina, auzi saioa bertan behera geratu da, Netanyahuk herrialdeko segurtasun kabinetea deitu baitu Jerusalem ekialdean, lurralde okupatuan, gertatu den tiroketa aztertzeko. Bestalde, Pedro Sanchez Espainiako Gobernuko presidenteak iragarri du gaur Israeli arma enbargoa ezartzeko dekretu bat onartuko duela. Hori egitekoa da bihar ministroen kontseilua, eta ondoren Espainiako Kongresuak eman beharko dio oniritzia. Agerraldi bat egin du Moncloan berria emateko, eta aurrenekoz esan du «genozidio bat» dela Israelek 2023ko urrian Gazan hasitako setioa. Enbargoaz gain, beste neurri batzuk iragarri ditu Espainiako gobernuburuak. Horiek helburu izango dute Israelgo armadari laguntza eraman behar dioten ontziei eta hegazkinei eragoztea Espainian porturatzea eta lur hartzea. «Hau da justifikaezina den eraso bat zibilen kontra. NBEren mandatariak berak genozidio deitzen dio. 60.000 hildako [63.000 pasatxo dira], bi milioi desplazatu, horien erdiak adingabeak... Hori ez da bere burua defendatzea, ezta eraso egitea ere, hori da herri babesgabe bat sarraskitzea», azpimarratu du Sanchezek Horrekin lotuta, Israelen sartzea debekatu diete Espainiako bigarren presidenteorde Yolanda Diazi eta Sira Rego Gazteen eta Haurren Gaietarako ministroari. Gideon Saar Atzerr ministroak eman du neurriaren berri, eta sare sozialetan idatzitako mezu batean argudiatu Espainoako Gobernuaren jarrera antisemita «argia» dela, eta Espainiak erabiltzen duela Israelen kontrako «gorrotozko erretorika bat». Diazek erantzun dio «ohore bat» Israelek sarrera debekatzea.

🗣 Iker Iturria. Nahiz eta esaten dieten erotuta daudela zuhaitz altuak mozten ibiltzeagatik, Iturriak azaldu erotuta ezetz, prestatuta daudela: «Kalkulu batzuk egin behar dira, baina nahiko lan intuitiboa da».

54 urteko donostiar bat hil zen bart  Zurriolako hondartzan, udal iturriak aipatuta EFE agentziak zabaldu duenez. Gertakaria 21:00 aldera jazo zen, larrialdi zerbitzuek gizonezko bat uretan ondoezik zegoela ohartarazteko abisua jaso zuten. Bertaratutako osasun langileak gizona suspertzen saiatu baziren ere, lekuan bertan hil zen. Iturri berberek zehaztu dutenez, heriotza naturala izan zen; itotzea baztertuta. 

Subflubiala Ez plataformak «gardentasuna» eskatu du itsasadar azpiko errepidearen proiektuaren inguruan. Bizkaiko Foru Aldundiko iturriak aipatuz, proiektuan sakoneko aldaketen berri eman dute komunikabideek. Artaza-Romo institutuko familiei eta langileei, ordea, ez diete irtenbide argirik eman oraindik.

Azken asteetan zeresana eman dute berriro ere AHTaren inguruko berriek. Orain gutxirarte abiadura handiko trena eraikitzeko bi alternatiba zeuden arren, bat-batean hirugarren batek, Etzegarate inguruk...

Europako Batasunak Errusiatik gasa eta petrolioa inportatzeari utziko dio. 2027. urtea amaitzerako Moskuri erregai fosilik ez erostea erabaki du Bruselak. Bi dira helburuak, Von der Leyenen arabera: EBren independentzia energetikoa sustatzea, eta Errusiari «gerra finantzatzeko diru iturriak» moztea.