See detailed quake info, read user reports, submit your own if you felt it!

SARANDË — Policia greke ka sekuestruar 96 kilogramë e 74 gramë marijuanë në Igumenicë, pranë kufirit greko-shqiptar, në orët e para të mëngjesit të sotëm. Në timon të automjetit të marrë me qira ndodhej një grua 61-vjeçare nga Moschato e Athinës. Gjatë kontrollit u gjetën edhe 5.21 gramë kokainë, hashash i llojit "çokollatë", 100 euro dhe dy telefona celularë. Kjo është sasia e dytë e kapur në këtë zonë brenda tetë ditëve. Më 7 qershor, në Nea Selefkia, u sekuestruan rreth 110 kilogramë marijuanë, me dyshime se kishin kaluar nga fshati Çiflik i Konispolit. Atëherë u arrestua një shtetas turk. Autoritetet greke dyshojnë se droga e kapur sot mund të jetë trafikuar nga zona e Sarandës, përmes fshatrave të Bashkisë Konispol. Gjatë 10 muajve të fundit në Igumenicë janë regjistruar disa raste, me rreth 540 kilogramë të sekuestruara gjithsej. Në një rast, droga u gjet në një skaf që u fundos; drejtuesi, një shtetas nga Saranda, u arrestua. Paralelisht, policia greke ka njoftuar Komisariatin e Policisë Kufitare Sarandë. Policia Kufitare e Sarandës ka ngritur grupe kontrolli përgjatë kufirit të gjelbër dhe në zonat detare. Riaktivizimi i trafikut është konstatuar edhe në Janinë, Kostur dhe Selanik, ku gjatë 10 muajve të fundit janë sekuestruar rreth 1.2 ton marijuanë. _Burim:_ Telegrafi_, https://telegrafi.com/sekuestrohen-96-kg-marijuane-ne-kufirin-greko-shqiptar/ — Redaksia ZHURMA_

See detailed quake info, read user reports, submit your own if you felt it!