E ndee yontere ana ɓuri konunkooɓe noogayon Nigeria waraaɓe e kippanɗe banndiiji jogiiɓe kaɓorɗe e jihaadiyankooɓe. Fiyannde aranndeere ndee e ley diiwal Zamfara altineere nde. Fiyannde ɗiɗoɓerde nde yo e ley diiwal Borno jamma hecci hankin. E ndee fiyannde konu Nigeria anndinii warngo ko foti jihaadiyankooɓe 25.

7 track album

Njeeɗiɗo waraa, duuɗuɓe barminaa, gooto majji yiitaaka, jawle bonnaa, sappo e njeetato nanngaa sokoyaa, ɗum ko koddiwaar waɗi batte piiro hakkunde leƴƴi ka e hoɗo no wi’ee Kossandji baŋŋe ñaamo Abidjan. Suudu ñaawirdu ndun fuɗɗike tefude ko woni sabu oo bononnda. Jantoore Abdoul Aziz Diallo immorde Abidjan.

Côte d’Ivoire, ñaawoore nden taƴaama e njanngu ngu naɓoowo donkoy waraa e mun ka lewru 7ɓuru Abidjan. Diɗo fawaama sokeede kaaddi nguurdam, ɗiɗo kadi fawaa duuɓi sappo. Kono ɗum ittaali kulol yiilotooɓe e laawi Abidjan ɗin yottingol donkoy. Hiɓe e goƴa e ɗee golle ɗe ɓe wi'i wontii hulɓiniiɗe. Jantoore Abdoul Aziz Diallo immorde Abidjan.

Alarba ñannde 23 lewru 6ɓuru, en yeewtay hannde ko faati e maccangaaku waɗaangu e hoore ɓiɓɓe Afrik e no ɓe hettirta hakkeeji maɓɓe. Ko ɗum woni darnde hooreejo Ghana mo leydi mun jaɓɓi yontere yawtunde nde tummbondiral adunayankoowal aranal hooreeɓe Afrik e Caraïbes  e dow eɓɓoore no Afrik jonnirtee njoɓnaari walla ndaamordi sabu ko ɓiɓɓe afrik maccinaa, woɓɓe waraa, woɓɓe ndiifta naɓa ngollina e gese, jawle Afrik iriiɗe jatta naɓa leyɗe porto.

Lebbi 3 caggal Dental Adunaaru ONU wotude sarti waɗuɗo maccangaaku bone ɓurɗo mawnude e taariika Bani Adama, Ghana waɗii eɓɓoore ngam yo leyɗe Afrik heɓtu hakkeeji maɓɓe. E nder ɗuuɓi 400 ɓiɓɓe Afrik maccinaaɓe, woɓɓe waraa, woɓɓe difta naɓa gollina e gese, jawle Afrik iriiɗe jatta naɓa leyɗe porto. Ko sabu ɗii boneeji fow Ghana aadi daroto haaleyɗe Afrik jonnite joɓtaari walla ndaamordi. Gila hanki horeeɓe Ghana hino renndini, ardiiɓe leyɗe, jaagorɓe e karralooɓe ngam taskagol ko laawol honngol haana reweede ngam laatingol ndee eɓɓoore. Hol saabi ndee darnde Ghana ? Ko Holno Afrik heɓtirta ndii njoɓtaarei ? Sindi heɓtike, ko e banŋe honɗe ndi haana naadeede ? Koɗo men hannde ko Alpha Ousmane Diallo, taarrikayanke, hertorɗo duunde Afrik. Himo jaaboo laamnde Ibrahima Timbi Bah...

janayse ngenndiyankeejo jeneral Sadio Camara yuɓɓinaama hannde subaka. Ko kanko wonno jaagorɗo ndeenka ko ina wona duuɓi joyi, o waraa ko e njannguji baɗaaɗi e nder galle makko to Kati e aset ɓennuɗo o. E wiyde Alou Boi Diarra, gooto e sehilaaɓe Sadio Camara, oo gonnooɗo jaagorɗo ndeenka ina joginoo yiɗde mawnde e Mali. Oo gollaani ngam teddungal, kono ko ngam ñaaweede e yontaaji garooji. O suuti ɗii konnguɗi ko e wirwirnde Sadio Camara. Alou Boi Diarra e faandu haala Ibrahima Niang

Mali, haa hannde alhaali on jaaɓi. Balɗe tati caggal fiyanɗe mawɗe ɗe meeɗaaka yi'eede e nder ndii leydi, lamnde heewɗe heɓaali jaabawol. Ko yimɓe njelo waraa hen ? Ko njelo gaañaa ? Mbele konu Mali waawan heddaade caggal ɗee piyanɗe, ɗe kuliyankooɓe JNIM e murtuɓe FLA waɗi ? E bi’ol Fedde CFR nde Imam Mahmoud Dicko ardii, yonti nde konu ardiingu Mali rowtiroto laamu. Ko Etienne Fakaba Sissoko woni koɗo men hannde. Ko kanko woni ƴettoowo konngol ndee fedde. Heɗoɗen mo, himo jaaboo lamnde Ibrahima Timbi Bah

Côte d’Ivoire, ñaawoore njanngu kuliyankooɓe waɗungu ngun Kafolo ka lewru 6ɓuru 2020, no jokkaa ka suudu ñaawirdu Abidjan. Ko tuumaaɓe 45 wonaa ñaaweede bone kuliyankaaku ka yimɓe 14 waraa. Hanki jonnde no hertinanaa ƴamanɗe salndu wullitanɗe ɗen. Jantoore Abdoul Aziz Diallo immorde Abidjan

To Iran, kabaaruuji cakkitiiɗi e oo ñalawma sappo e jeenaɓo ko hare hakkunde Dawlaaji dentuɗi Amerik, Isarel e leydi Iran fuɗɗi : Iran gooŋɗinii maayde jaagorɗo maɓɓe tammbinooɗo kumpite leydi ndii, e njanngu ngu Isarel waɗi toon. Innde makko ko Esmail Khatib. O waraa ko ñalawma gooto caggal warngo hooreejo ndeenaaku leydi ndii, Ali Larijani. Ndee hare ina jokki addude caɗeele kuɓɓam ɗam e aalaaji keewɗi e aduna hee e kuuɓal. Bokar Tall

Ɗum ko caggal nde janngoowo gooto waraa hanki altine e sahaa nde janngoɓe ɓe njaggondiratnoo e halfinaaɓe kisal leydi ndi. Pelle renndo siwil ñiŋii ngonka kaa, ɓe noddii laamu ngu yoo ardin kaaldigal laaɓtungal. Laamu ngu hollitii ma waɗ jonnde e jaayndeeji leydi ndi e ko fewti e oo alhaali.

Niger njanngu waɗi to diiwaan Tillaberi e larba yawtuɗo oo. Waɗboniyankooɓe njani e nokku ɗo konu leydi Nijeer woni to Makalondi, 90 km to Niamey. Ko JNIM, fedde jihadiyankooɓe, wiyi ko kañum waɗi njanngu nguu. Alaa ko laawɗini ko faati e maayɓe heen. E wiyde humpitooji kisal, ko polisiijo gooto waraa heen. Wonaa ngol woni go’o ooɗoo nokkusaraaji Burkina ina huulanee. Abdoulaye Diallo

Ñaawoore nodditaande e dow alhaali warngo Porofeseer Samuel Paty udditii hannde Paris. Oo jannginoowo taarika wonndude e nokkuuji, taariindi e weeyo woni ko wiyatee géographie, ko ñannde 16 lewru 10ɓuru hitaande 2020 o waraa tawi himo yaltude Conflans-Sainte-Honorine, duɗal jannginirgal wonugal Paris. Yimɓe nayo fawanooɓe kaso ɓaawo ñaawoore adiinde ndee, ñaawtete haa ñande 27 lewru darotoondu.

Duuɓi tati caggal ciwlagol e warngo jaayndiyanke Kamerunaajo Martinez Zogo, gandiraaɗo lunndaade e ñiŋde njenaari mbondi, haa jooni ñawoore faatunde e mayde makko uditaande gila ko ɓuri duɓi ɗiɗi jooni ina jokki. E tee, hay so tawi tumaaɓe e alhaali mayde makko pawaama junngo, e nder ɓeen humpitooɓe laamu e joma jowdi, ñawoore ndee ina jokki haajooni. Boly BA no artan e mum.

E nder ciimtol fedde adunaaru jaayndeyannkooɓe RSF nantini wonnde e nder hitaande ko ɓurri jayndeyannkooɓe 67 waraama e nder adunaaru ndun. Tawa ɓen ko e nder ɗee golle maɓɓe woni ko ɓe waraa. Ɓurruɓe ɓen e ɗuuɗude ko e nder ndee hare bande de Gaza ɓee koonunkooɓe Israel ittii fittaandu maɓɓe.

E yontere feƴƴunde, hawre hakkunde remooɓe e aynooɓe waɗi falnde Lola ka worgo leydi. Yimbe ɗiɗo waraama, woɓɓe barmi, nai’i ɗuuɗuɗi waraa, wi’i fedde aynooɓe diiwal foore. Ko nokkeli Laine e Gama Berema nde hawre ɓuri e tiiɗude. Ndee hawre waɗii caggal nde hooreeɓe ɓen holli yo aynooɓe woɓɓe yaltu e diiwal ngal. Mamadou Adama Diallo

Plusieurs morts dans un accident impliquant un minibus, annonce jeudi le journal Waraa.

Hanki, altineere, seppo jamyamo kono ko wondungo e mettere yimɓe waɗii yeeso Suuɗu sarɗiiji Moritani. E noddaango pelle rewɓe e renndo siwil, yimɓe teemeɗɗe heewɓe – sukaaɓe, rewɓe, naalankooɓe ... kawri ngam ɗaɓɓude ñaawoore wonande Hawa Tarawoore. Suka debbo cowinooɗo yanaa, waraa e nder galle mo surgaaji ngoni, e ngam ñiŋude bonaneeji mbaɗeteeɗi e dow ujunnaaje ujunnaaje rewɓe wonɓe leydi ndii. Umaar Alhajji Caam

Mauritanie, rewɓe teemeɗɗe waɗii seppo e ndee teneere ngam hollugol mette maɓɓe faade e fitinaaji faweteeɗi e rewɓe. Ngoo seppo waɗii caggal waarngo Hawa Traoré, suka debbo reeduujo doolaaɗo, waraa. Oo fitina hino ŋalɗini kono wonaa hannde o fuɗɗi. Piyugol, doola, torra, haa wara rewɓe, ko boneeji jaaliiɗi e nduu adunaaru. Rewɓe e daraniiɓe hakkeeji neɗɗanke no jokki waɗugol seppooji ngam haɓugol oo bone.

Teemeɗɗe moritaninaaɓe njuɓɓinii seppo altineere hannde, to yeeso suudu sarɗiiji leydi ndii. Ngoo seppo waɗi ko caggal ƴeeɓagol e warngo suka debbo desaaɗo biyeteeɗo Hawa Tarawoore. Pelle rewɓe, pelle ɗe ngonaa laamuyankooje (ONG), renndo siwil, sarɗiyankooɓe, e woɗɓe fof kawritii e yeeso batirde ngenndiire ndee ngam salaade doolagol e warngooji ɗii e ɗaɓɓude ñaawoore wonande Hawa Tarawoore, cowinooɗo ine yahra lebbi ɗiɗi, caggal ɗuum yanaa kadi waraa ñande alkamiisa ɓennuɗo nder galle.