Udalak nabarmendu du haurrentzako aisialdirako gune berri honek harrera ona izan duela. Udan irekita egon da, aisialdirako eta aterpe klimatikorako alternatiba gisa. Instalazioa itxita egongo da udazkenean eta neguan, eta ur-elementuak desmuntatzen hasi dira, beharrezko mantentze-lanak egiteko. Parkeak joan den ekainean ireki zituen ateak, eta 600.000 euro inguruko inbertsioa egin behar izan da, Lorategi Botanikoko […]

Parkeen egoera eta bizilagunen kexak batu dituzte kanta batean.

2027rako martxan izatea aurreikusten den Ekienea parkeak 90 milioi euroko inbertsioa izango du

Energia fotovoltaikoaren alde txarretako bat da eremu handiak okupatu behar izaten direla, eta ez dutela beste erabilera batentzako tokirik uzten. Urmael eta urtegien kasua ere antzerakoa da, uraza...

Israel destroys solar panels in south Lebanon

Aiaran eraiki nahi duten parke fotovoltaikoaren egitasmoak beste aurrerapauso bat eman du. Arabako lurretan 10.500 plaka ipintzeko asmoa duen Krabelin Solar parkeak Eusko Jaurlaritzaren aurretiko baimena jaso du. Hamabost hilabeteko epea du orain enpresak ingurumen txostenak ezarritako babes neurriak aurkezteko.

Aste Nagusia 61. aldiz ospatuko da aurten eta naturari lotutakoa izango dela adierazi du Jon Insausti Donostiako alkateak.

Araba eta Bizkaia artean banaturik, 20.000 hektarea dauzka Gorbeiako natur parkeak. Euskal Herriko mendizaleen artean aski ezagunak diren hamaika paraje ikoniko biltzen du, 1.482 metrora dagoen

Berriro bildu dira Gasteizko lorezainak eta Enviser enpresa Precon, Lan Harremanen Kontseiluaren zerbitzuan, eta berriro ere akordiorik gabe amaitu dute. Horrenbestez, lorezainek greban jarraituko dute; dagoeneko lau hilabete irauten ari da lanuztea. Hiru aste zeramatzaten bi aldeak batzartu gabe, eta gaur goizean bildu dira greba batzordeko ordezkariak Enviser enpresakoekin—hura arduratzen da Gasteizko lorategiak eta parkeak mantentzeaz—. Haatik, batzarrean ez da «aurrerapauso esanguratsurik» eman, ELA, LAB eta ESK sindikatuek jakinarazi dutenez. Hiru sindikatuek salatu dute enpresak «zertxobait» aldatu egin duela 2026rako eta 2027rako mahai gainean jarrita zuen eskaintza, eta 2028rako egindako proposamena Eusko Jaurlaritzako Lan Sailburuorderzak egindakoa baino «eskasagoa» izan dela. Azken eskaintza hori «bereziki larria» dela iritzi diote, izan ere enpresak adierazi du Gasteizko Udalaren erantzukizuna dela urte horretarako soldata igoerari eta lanaldi murrizketari mugak ezartzea. [articles:2144226] Gaur goizean Maider Etxebarria Gasteizko alkateak, Radio Vitorian egindako elkarrizketa batean, adierazi du akordioa ezinbestekoa dela, «ulertezina» delako greba bat hainbeste luzatzea. Era berean, ziurtatu du proposamen bat egon dela mahai gainean, eta sindikatuek baztertu egin dutela «kalkulu politikoengatik». Adierazpen horiei erantzun diete lorezainek: «Ulertezina dena da Gasteizko Udalak hurrengo kontratuan bere gain hartuko dituen hobekuntzei muga bat jartzea». Atxikimendu sinadurak Hilabete hauetan guztietan herritarrengandik jasotako babesa eskertu dute lorezainek, eta iragarri bihar goizean udal bulegoetan erregistratu egingo dituztela gasteiztarren artean bildutako atxikimendu sinadurak. Goizeko 10etan aurkeztuko dituzte sinadurak. Ekainaren erdialdean, gutxieneko zerbitzuak ezarri zituen Eusko Jaurlaritzaren Lan eta Enplegu Sailak, eta lorezainei agindu zien hiriko parke handienetako eta errepide bazterretako belardiak mozteko. Orain, gutxieneko zerbitzu horiek eraztun berdean ezartzeko agindu du gobernuak, baina sindikatuek salatu dute neurria, ez dagoelako gutxieneko zerbitzuen aginduaren barruan. Uste dute udalaren eta enpresaren asmoa ez dela gatazka konpontzea, «euren baldintzak langileei ezartzea baizik».

Yellowstoneren jatorri hidrotermala gainazaletik kilometro gutxira dagoen supersumendi baten kamera magnetiko erraldoian dago (60 km inguruko luzera …

Gipuzkoako hiriburuan sei hilabetez jaitsi da alokairu berrien batez besteko prezioa, 2025eko ekainean muga jo eta ekitaldiaren amaieran 1.190 eurotik 1.132 eurora jaitsi ondoren Errenterian % 4,1 egin du behera azken hiruhilekoan, Irunen % 3 murriztu dira alokairuak eta Lasarte-Orian % 0,6. Alokairu-parkeak gora egiten jarraitzen du, bai Gipuzkoan eta Euskadin, eta maximo historikoetara iritsi […]

Parkea bisitatu eta hainbat tailerretan parte hartu ahal izango da martxoaren 7ko 10:00etatik 13:00etara Donostiako Suhiltzaileen Parkeak Ate Irekien eguna ospatuko du martxoaren 7an, larunbata, 10:00etatik 13:00etara, San Juan de Dios (martxoak 8) Suhiltzaileen Zaindariaren eguna gogoratzeko. Otxoki pasealekuko 100. zenbakian dagoen Parkeak 10:00etan irekiko ditu ateak, nahi duten guztiek instalazioak bisitatu eta suhiltzaileen lana […]

Joëlle Garra, Maritxu Rivière, Maialen Etxart: Aisialdia, plazerez eta neurrian. Ikasturtea hasi berria da. Uda frenetiko baten ondotik, bestak, bidaiak, hondartza, mendia, bisitak, kontzertuak, parkeak... Gehienak akiturik sartu gara berriz eguneroko erritmoan. Egia erran, pentsatuz beharbada eguneroko erregulartasun horretan pausatuko ginela, ez dea hala? Hasi orduko, aldiz, ohartu gara ezetz, eta azkar hasi gara berriz, lana, ikastola... Eta aldi berean, nola ez, aisia! Aisialdiko eskaintza zabal eta erakargarria parez pare: kirola?, musika?, dantza?, eskulanak?, formakuntzak? Dena interesgarri, eta denak ezinbestekoa iduri. Helduentzat, aisialdia ez da bakarrik lanetik ihes egiteko parada: garapen pertsonalerako bide baliotsua izan daiteke, buruari eta gorputzari arnasa emateko aukera. Baina kasu ez ote garen guhauren buruaren akuilu zorrotzegia bihurtzen ari. Autohobekuntza, osasuna, forma fisikoa, oreka emozionala, burujabetza... Dena behar ote dugu landu? Denetan onak izan behar ote dugu? Bide bakarra dea guhauren buruaren maitatzeko eta autoestimuaren elikatzeko? Eta gure haurrek zer? Eskolaz gain, musika ezagutu, igerika trebatu, pilotan segitu ala hizkuntza berri bat ikasi? Bai, hauta anitz bada. Haur argi, kirolari, artista orekatuak sortu nahi ditugu, baina ez al gara hemen ere perfekzioaren bilaketa zentzugabe batean galduak? Haur kirolaria, argia, artista, eleaniztuna eta zoriontsua ez da existitzen! Aisialdiak ez luke deia aski ongi ezagutzen eta pairatzen dugun presioaren elikagai izan behar! Kontsumoaren jendarte honetan, aisialdia bera ere kontsumitzen dugu: ikusi, saiatu, gustatu, utzi, beste bat hasi... aldaketaz aldaketa ibiliz. Gure egunak, asteak, hilabeteak betetzen dira. Eta pentsatzen dugu: «Lasai, laster uda berriz jinen da eta pausatuko naiz». Baina ez! Badakigu udan ere geldirik egoteko zailtasunak ditugula, gozatu nahi dugulako, bidaiatu, esperientziak metatu eta oharkabean uda joaten zaigu. Batzuetan, deus ez egitea, gelditzea, lasaitzea da gehien behar duguna, bai haurrek eta bai guk. Horiek hola, aholku xume bat: aisialdia ongi pentsatu, zentzuz. Ez da eskaintza guziari baietz erraterik. Ez eta ere beti zerbait egiteko beharra sentitzerik. Noizbehinka, aspertzea ere bizitzaren parte da, eta pausatzearen balioa berreskuratu behar genuke. Etxean egon, atseden hartu, lo egin, deus ez egin... Eta gozatu! Gogoeta horiek eginik, jakin ezazue Artetxean euskarazko aisialdia proposatzen dugula urte osoan: eskulan eta arte saioak, yoga, Komunikazio Ez Bortitza, system-a, step-a, kantua, eta euskara kurtsoak, heldu edo haur, bakoitzak bere erritmoan eta bere nahiaren arabera, libreki parte har dezan! Ongi etorri guziei, aisialdia neurrian eta plazerez bizitzera!

Espainiako Trantsizio Ekologikorako Ministerioak lau parke eolikoren proiektuak artxibatu ditu. Parkeak Tausten (Espainia) egitekoak ziren, baina horien hustuketa azpiegiturak Araban egitea planteatzen zuten; eta, gainera, linea elektrikoek ia Nafarroa osoa zeharkatzea zen asmoa. Nafarroako Gobernuak, lekuko udalek eta herri mugimenduek proiektu horien kontrakotasuna adierazi izan dute.  Arabako Lurralde Historikoaren Aldizkari Ofizialak atzo jaso zuen Trantsizio Ekologikorako Ministerioaren erabakia. Bertan zehazten denez, proiektuek aurreikusten zuten parke eolikoen hustuketa azpiegiturak Burgosen (Espainia) egitea, baina Arabako lau herritan eragina izanen lukete: Berantevillan, Armiñonen, Erriberabeitian eta Gasteizen.  Gainera, horietatik hiru proiekturen kontrako ingurumen txostena jaso du aldizkariak. 

Arabako Industria Administrazioaren Lurralde Ordezkaritzak administrazio baimena eman dio Bailen Energia enpresari Oionen (Araba) bi instalazio fotovoltaiko eraikitzeko. Bakoitzak 1.680 panel izango ditu, eta megawatt bateko potentzia. Eusko Jaurlaritzak atzo argitaratu zuen Muga proiektua martxan jartzeko baimena. Gaur, berriz, Val izenekoari eman dio oniritzia. Enpresak hiru urteko epea izango du bi parkeak martxan jartzeko, EAEko aldizkari ofizialaren arabera. Bestalde, Jaurlaritzak aurretiazko baimen administratiboa eman dio Ventaja Solar 8 enpresari Amurrion (Araba) 3,2 megawatteko potentzia izango duen eguzki parke bat eraikitzeko. Aurreikusitakoaren arabera, 6.692 modulu fotovoltaiko instalatuko dituzte. Orain, enpresak hamabost hilabeteko epea izango du eraikitzeko baimen administratiboa eskatzeko.

Arabako Industria Administrazioaren Lurralde Ordezkaritzak administrazio baimena eman dio Bailen Energia enpresari, Oionen (Araba) bi instalazio fotovoltaiko eraikitzeko. 1.680 panel izango ditu bakoitzak, eta megawatt bateko potentzia. Eusko Jaurlaritzak atzo argitaratu zuen Muga proiektua martxan jartzeko baimena. Gaur, berriz, Val izenekoari eman dio oniritzia. Enpresak hiru urteko epea izango du bi parkeak martxan jartzeko, EAEko aldizkari ofizialaren arabera. Bestalde, Jaurlaritzak aurretiazko baimen administratiboa eman dio Ventaja Solar 8 enpresari, Amurrion (Araba) 3,2 megawatteko potentzia izango duen eguzki parke bat eraikitzeko. Aurreikusitakoaren arabera, 6.692 modulu fotovoltaiko instalatuko dituzte. Orain, enpresak hamabost hilabeteko epea izango du eraikitzeko baimen administratiboa eskatzeko.