Ni alvokas individuojn, kolektivojn kaj komunumojn tra la mondo festi la 21-an de junio kiel la Tagon de Dizertado – tagon de konscio, rezisto kaj kuraĝo diri NE al milito. Ĉi tiu tago estas: – esprimo de solidareco kun ĉiuj, kiuj rifuzis aŭ daŭre rifuzas batali; – omaĝo al tiuj ekzekutitaj, malliberigitaj aŭ persekutitaj pro dizertado; – alvoko por la senmilitarigo de la socio – de lernejoj ĝis limoj;

YouTube video by Kage-Low チャンネル

**La argentina esperantisto Héctor Oesterheld ekde la 1950-aj jaroj kreis la bildstrian rakonton _El Eternauta_ pri civitana rezisto kontraŭ ekstertera invado. La komikso nun iĝis tutmonde furora televidserio. Oesterheld mem kaj preskaŭ lia tuta familio post la militista puĉo en 1976 estis kaptitaj de la polico kaj mortigitaj aŭ malaperigitaj.** La asocio de gefiloj de malaperigitoj en Argentino aperigis version de la afiŝo de la televidserio kun fotoj de la familio Oesterheld. Originala foto de Kaloian Santos. Fine de aprilo aperis en la elsenda servo _Netflix_ nova televida serio produktita en Argentino: _La Eternaŭto_ (El Eternauta). Tiu ĉi sukcesa filmaro prezentas scenaron en kiu ekstertera invado manifestiĝas per la apero de iuspeca toksa neĝo, kontraŭ kiu organiziĝas rezisto de grupo de civitanoj, gvidataj de veterano, kiun ĉefrole ludas la fama aktoro Ricardo Darín. La rakonto baziĝas sur komikso samnoma, kiu naskiĝis en la 1950-aj jaroj. La scenaro estis kreaĵo de Héctor Oesterheld, kaj la unua desegnisto estis Francisco Solano, ambaŭ prestiĝaj profesiuloj de la latinamerika bildstria kulturo. La sukceso de la komikso kondukis al postaj sekvaĵoj de la rakonto, foje kun aliaj kunlaborantoj, kaj jam pasintece ekzistis provoj krei filman version. **Tiuj planoj estis forte** kondiĉitaj de la politikaj cirkonstancoj de la tiuepoka Argentino, kun la altiĝo de la politikaj streĉoj kaj la potencpreno fare de militista junto en 1976. Solano devis ekziliĝi, sed pli akra estis la sorto de Oesterheld. La familio Oesterheld. Tiu ĉi fariĝis membro de armita grupo de la maldekstra peronismo, konata kiel _Montoneros,_ kaj li devis kaŝiĝi post la militista puĉo. Li ankoraŭ prezentis scenarojn de _La Eternaŭto_ dum sia subtera agado, sed en 1977 li estis malkovrita, malliberigita, kaj, post daŭra torturado, li estis malaperigita. Oni neniam trovis liajn restaĵojn. Ankoraŭ pli terura estis la sorto de lia familio: li havis kvar filinojn, kiuj same aktivis en maldekstremaj movadoj. Ĉiuj kvar, kaj ankaŭ la paruloj de tri el ili, estis forkaptitaj de la policaj aŭ militistaj fortoj, kaj ĉiuj estis mortigitaj. La edzino de Oesterheld, Elsa Sánchez, ricevis la restaĵojn nur de unu el ili. Kaj ŝi ankaŭ devis zorgi pri du malgrandaj nepoj, unu el kiuj estis redonita el kaptiteco, en kiu li povis unu fojon vidi sian avon. Sed kvazaŭ tio ne estus sufiĉe terura, du el la filinoj estis gravedaj, kaj nenion oni scias pri la sorto de la beboj probable naskiĝintaj dum ilia kaptiteco. Oni suspektas ke ili estis kaŝe venigitaj al aliaj komplicaj familioj, kiuj adoptis ilin kiel proprajn, kiel ofte okazis en tiu tempo. La korespond-anonco en _La Juna Vivo_. **Kiu estas la rilato** al Esperanto? Héctor Oesterheld estis esperantisto. Antaŭ kelkaj jaroj mi menciis la aperon de anonco en la revuo _La Juna Vivo_, en 1940, per kiu la juna Oesterheld, tiam studento pri geologio, petis korespondamikojn. Esperanto estis menciita en intervjuo de lia vidvino en la argentina ĵurnalo _La Nación_ en 1997, en kiu ŝi asertis ke li legis esperantajn librojn kaj ke en liaj historioj evidentiĝas esperantistaj idealoj. La revuo _Esperanto_ eĥis tiun sciigon post publikigo en loka bulteno. Bedaŭrinde oni ne povas trovi spurojn de tiu agado, ĉar lia arĥivo estis forprenita kune kun li mem fare de la armea diktaturo. **Pro la apero** de la filmo, oni denove parolas en Argentino pri lia sorto kaj tiu de lia familio, kaj la asocioj de familioj de murditoj kaj malaperigitoj de la diktaturo lanĉis novan kampanjon por instigi esplorojn por retrovi la restaĵojn de la murditoj kaj enketon pri la sorto de la du nepoj – kiuj nun estus proksimume en la aĝo de 48 jaroj kaj verŝajne ne konas sian veran devenon. Kaj revenis al la aktualo, valida pli ol iam, la moto de la verko: “Neniu saviĝas sola”. **José Antonio del Barrio** ### Konigi ĉi tion: * Alklaku por kunhavigi ĉe Facebook(Malfermiĝas en nova fenestro) Facebook * Alklaku por kunhavigi per Telegramo(Malfermiĝas en nova fenestro) Telegramo * Click to share on Mastodon(Malfermiĝas en nova fenestro) Mastodon * ### _Rilataj_

La argentina esperantisto Héctor Oesterheld ekde la 1950-aj jaroj kreis la bildstrian rakonton El Eternauta pri civitana rezisto kontraŭ ekstertera invado. La komikso nun iĝis tutmonde furora telev…

BUCK-TICK　From Now On 水滴みたいな音からビートが始まりワウ的な音やベードラバンドサウンドとかギターはアバンギャルド。 あれ？これインストゥルメンタル？ あ。歌入った。 エフェクト駆使して色々音遣いあるけど語りや歌声に結構ラジオボイス的な歪みが掛かってたりエレクトロなワウボイス？ なんかこうワクワクする場所に迷い込んだ異次元みたいな感覚。 この音はテルミンかな？ ...