នៅតាមបណ្តាជំរំជនភៀសសឹក មានប្រជាពលរដ្ឋក្មេងចាស់ប្រុសស្រី និងក្រុមជនងាយរងគ្រោះ ដែលបានភៀសខ្លួន ចោលផ្ទះសម្បែង ដោយសារតែបារម្ភពីសុវត្ថិភាពអាយុជីវិត។ មានស្ត្រីទើបសម្រាលកូនមួយចំនួន ត្រូវធ្វើដំណើរផ្លូវឆ្ងាយភៀសមកជំរំភ្លាមៗ ទាំងដែលសុខភាពមិនទាន់រឹងមាំ។ ស្ត្រីទើបសម្រាលកូនមួយចំនួនបានដង្ហោយរកជំនួយ ដើម្បីជួយដល់កូនដែលទើបចាប់កំណើតរបស់ពួកគេ។ ពីជំរំភៀសសឹកក្នុងខេត្តសៀមរាប យើងមានសេចក្តីរាយការណ៍ខ្លីរបស់ ជួប នរក្សា៖

ប៉ាគីស្ថានជាប្រទេស​នាំចូល​ប្រេង​ដ៏សំខាន់​ពីតំបន់​​មជ្ឈិមបូព៌ា។ តែ​ការបិទខ្ទប់​ច្រកសមុទ្រអកមូស្ស​ពីសំណាក់​អ៊ីរ៉ង់ បានប៉ះពាល់​ជាខ្លាំងដល់​ប្រភព​ថាមពល​​ប៉ាគីស្ថាន។​ ម្ល៉ោះ​ហើយ ទើប​រដ្ឋាភិបាល​ប៉ាគីស្ថានកំពុងតែ​ពិចារណា​ឲ្យ​មន្ត្រីរដ្ឋការ​និងប្រជាជនទូទៅ ​ធ្វើការត្រឹម​តែ៤ ថ្ងៃក្នុង​១​សប្តាហ៍ដើម្បី​​​បន្ថយការប្រើប្រាស់​ប្រេងឥន្ធនៈ​។ នេះជា​វិធានការចាស់ តែ​ទំនង​អាច​ត្រូវ​អនុវត្តជាថ្មី។

ពលរដ្ឋឥណ្ឌូណេស៊ីយ៉ាងហោច ៤៧៥នាក់កំពុងអំពាវនាវដល់ស្ថានទូតឥណ្ឌូណេស៊ីនៅទីក្រុងភ្នំពេញ និងរដ្ឋាភិបាលទីក្រុងហ្សាកាតាឱ្យជួយសម្រួលដល់ការវិលត្រឡប់របស់ពួកគេទៅមាតុភូមិវិញ បន្ទាប់ពីពួកគេត្រូវបានសមត្ថកិច្ចកម្ពុជាឃាត់ខ្លួន ដោយសារជាប់ពាក់ព័ន្ធនឹងអំពើឆបោកតាមប្រព័ន្ធអនឡាញ។ បើតាមការចុះផ្សាយរបស់កាសែតម៉ាឡេស៊ី The Star នៅថ្ងៃទី៤កញ្ញា ពលរដ្ឋឥណ្ឌូណេស៊ីជិត ៥០០នាក់នោះ កំពុងត្រូវបានឃុំខ្លួនព្រលានយន្តហោះចាស់ពោធិ៍ចិនតុង។ អ្នកនាំពាក្យក្រសួងការបរទេសកម្ពុជា លោក ចាន់ រតនា បញ្ជាក់ថា រដ្ឋាភិបាលកម្ពុជាបានយកចិត្តដាក់ខ្លាំងលើរឿងនេ ដោយបាន​ស្នើឲ្យស្ថានទូតឥណ្ឌូណេស៊ីនៅទីក្រុងភ្នំពេញពិនិត្យ​​លើរឿងនេះ។ ទន្ទឹមនេះ និងបើតាមលោក ចាន់ រតនា ស្ថានទូតខ្មែរនៅទីក្រុងហ្សាកាតាក៏ខ្នះខ្នែងស្នើឲ្យភាគីឥណ្ឌូណេស៊ីពន្លឿននីតិវិធីយកពលរដ្ឋរបស់ខ្លួនទៅកាន់ប្រទេសរបស់ខ្លួនវិញដែរ៕

នៅថ្ងៃ​សុក្រទី២១​ ខែ​សីហា​ ឆ្នាំ​២០២៦នេះ គណ​បក្សកម្លាំង​ជាតិបាន​ស្នើសុំ​​ឱ្យ​រដ្ឋ​សភា​កម្ពុជា​ពិចារណា​ សើ​រើ​សេចក្តី​ព្រាង​ធ្វើ​វិសោធនកម្មច្បាប់គ្រប់គ្រងរដ្ឋបាលឃុំ-សង្កាត់ឡើង​វិញ ក្នុងហេតុផល​ថា​ ច្បាប់​ថ្មី​នឹង​ធ្វើ​ឱ្យ​ប៉ះពាល់​ដល់​តម្លាភាព ​​និង​​ដំណើរការ​វិមជ្ឈការនៅកម្ពុជា។ ចំពោះ​គណបក្ស​ក្រៅរដ្ឋាភិបាល​មួយ​នេះ ​​ព្រឹទ្ធសភា និង​ក្រុម​ប្រឹក្សា​ធម្ម​នុញ្ញ ​ត្រូវ​ផ្អាក​អនុម័ត​សេចក្តី​ព្រាង​វិសោធនកម្ម​ច្បាប់នេះ​ ដោយរក្សា​ទុក​ច្បាប់​ចាស់​ឱ្យ​នៅ​ដដែល​។​ 

អ្នកនយោបាយប្រឆាំងដ៏កម្រមួយរូបក្នុងប្រទេសរុស្ស៊ី លោក Boris Nadejdine បានថ្លែងទៅកាន់ទីភ្នាក់ងារសារព័ត៌មានបារាំង AFP នៅថ្ងៃ ទី ១៦ ខែ កក្កដា ថា នយោបាយដឹកនាំរបស់ លោក វ៉្លាឌីមៀរ ពូទីន កំពុងអូសទាញប្រទេស ឲ្យធ្លាក់ទៅក្នុងក្តីវិនាសអន្តរាយ ។ ឈរឈ្មោះជាបេក្ខជន ក្នុងការបោះឆ្នោតសភារុស្ស៊ី នៅខែកញ្ញា ឆ្នាំ ២០២៦ ខាងមុខ អ្នកនយោបាយជើងចាស់់រូបនេះ ដែលមិនខ្លាចនិយាយរិះគន់លោក ពូទីន ដោយចំៗ កំពុងរងការធ្វើទុក្ខបុកម្នេញដោយប្រព័ន្ធតុលាការ ដែលនឹងអាចរំខានដល់យុទ្ធនាការឃោសនាបោះឆ្នោត របស់លោក ។

៣០​មីនា​ ១៩៩៧ ​​- ៣០មីនា​ ២០២៦​ គឺជា​រយៈ​ពេល​ ២៩​ឆ្នាំនៃ​​ព្រឹត្តិការណ៍គប់គ្រាប់បែកដៃចំនួន៤គ្រាប់ នៅខាងមុខវិមានរដ្ឋសភាចាស់ចូលទៅក្នុងហ្វូងបាតុករ ទាមទារឱ្យ​មាន​កំណែទម្រង់​ប្រព័ន្ធយុត្តិធម៌ ​ដែលដឹកនាំដោយលោក សម រង្ស៊ី។​ ដូចរៀង​​រាល់​ឆ្នាំ​ដែរ​ នៅ​ថ្ងៃ​ទី​៣០​ មីនា​ ឆ្នាំ​២០២៦​នេះ​ គណបក្សក្រៅ​រដ្ឋាភិ​បាលមួយចំនួន រួមមាន គណបក្ស​ឆន្ទៈ​ខ្មែរ​ ​គណ​បក្ស​ភ្លើង​ទៀន និងគណបក្សកម្លាំងជាតិជាដើម បាន​ជួប​ជុំ​គ្នា​ប្រារព្ធ​ពិធី​បង្សុកូលនៅស្តូបជនរងគ្រោះ ស្ថិតនៅខាងមុខ​​អតីត​រដ្ឋសភា​ ​ដើម្បី​ឧទ្ទិសដល់​វិញ្ញាណ​ក្ខន្ធ​អ្នក ​ដែល​ស្លាប់​ក្នុង​ហេតុការណ៍ ដែលកើត​ឡើង​​​ជិត​ ៣០​ឆ្នាំ​​មក​នេះ។​

ចំនួន​ប្រជាពលរដ្ឋ​​ជប៉ុន​នៅ​ឆ្នាំ​២០២៥ បាន​ធ្លាក់​ចុះ​យ៉ាង​ខ្លាំង​មិន​ធ្លាប់​មានទេ ​គិត​តាំង​ពី​ប្រទេស​ផ្តើម​ធ្វើ​​កំណត់​ត្រា​​ជំរឿនប្រជាជន​មក។ លទ្ធផល​នៃ​ជំរឿននេះ​ ​បាន​បញ្ជាក់​ឱ្យ​ឃើញកាន់​តែ​ច្បាស់​​អំពី​​ស្ថានភាព​​ចាស់​ជរា​របស់​ប្រជាជន​ជប៉ុន ដែល​រដ្ឋាភិបាល​បាន​ចាត់​ទុក​ជា ស្ថាន​ភាពបន្ទាន់​។

ប្រមុខរដ្ឋាភិបាលកម្ពុជា លោក ហ៊ុន ម៉ាណែត នៅថ្ងៃទី៣ឧសភា បានអះអាងថា ផ្ទៃដីកម្ពុជាកើនឡើងដល់ ១៨១ ៤៣៦គីឡូម៉ែត្រការ៉េ បើធៀបនឹងផ្ទៃក្រឡាចាស់ ១៨១ ០៣៥ គីឡូម៉ែត្រការ៉េ ដែលបារាំងបានវាស់វែង។ ក៏ប៉ុន្តែអ្នកនយោបាយប្រឆាំង រស់នៅក្រៅប្រទេសបានប្រតិកម្ម វាយតម្លៃថា ការបញ្ចេញតួលេខផ្ទៃក្រឡាថ្មីរបស់កម្ពុជា ពីសំណាក់ប្រមុខរដ្ឋាភិបាល គឺជាសារបន្លប់ចិត្តពលរដ្ឋឲ្យឈប់គិតពីបញ្ហាព្រំដែន។