📝 New blog article ! ✨ The Rise of Artisanal Bakeries in Sydney 👉 Read it now on MABIDO !MABIDO

DALLAS — Fitorja e parë dhe historike e Kanadasë në Kupën e Botës u errësua nga lëndimi i rëndë i mesfushorit Ismael Kone. 24-vjeçari u dërgua urgjentisht në spital pas ndeshjes dhe i është nënshtruar ndërhyrjes kirurgjikale, i rrethuar nga familja e tij. Incidenti ndodhi në pjesën e dytë të ndeshjes. Mesfushori i Katarit, Assim Mabido, e goditi Konen nga prapa, duke i lënduar rëndë këmbën e majtë. Lojtari u trajtua menjëherë në fushë para se të nxirrej me barelë, ndërsa Mabido u dëbua me karton të kuq. Katari mbaroi ndeshjen me nëntë lojtarë — Homam Ahmed ishte përjashtuar tashmë në pjesën e parë. Kapiteni i Kanadasë, Stephen Eustaquio, u trondit nga çka pa: "Pashë këmbën e tij. Pashë se diçka nuk ishte në rregull", tha ai pas ndeshjes. Trajneri Jesse Marsch zbuloi detaje të rënda: ndërhyrja e Mabidos ndodhi pikërisht para stolit kanadez, dhe ai vetë dëgjoi qartë "kërcitjen e eshtrave". Kone u çua shpejt në spital, i rrethuar nga familja, ku operacioni u krye të njëjtën natë. "Të gjithë mbetën të shkatërruar kur ndodhi, por u desh të gjenim mënyrë për të mbetur të fokusuar. E dinim që Ismael donte që ne ta përfundonim punën", tha Marshi. Selektori shtoi se skuadra po mendon shumë për Konen, por është shumë krenare për atë që arriti. Jonathan David, golashënuesi me het-trik i Kanadasë, nuk e la pa komentuar ndërhyrjen brutale të Mabidos. "Nëse është situatë ku nuk mund të fitoni topin, atëherë nuk ka kuptim. Është vetëm për të lënduar tjetrin", tha sulmuesi, duke vënë në dyshim qëllimin e kontaktit. Mabido i ka kërkuar falje personale Kones pas ndeshjes — një gjest i vonë për lëndimin e rëndë. Ndeshja 6-0 do mbahet mend jo vetëm si hapi historik i Kanadasë në Kupën e Botës, por edhe si nata kur Kone doli me barelë nga fusha. _Burim:_ Koha.net _— Redaksia ZHURMA_