El gasto en protección social en Euskadi creció un 7,9 % en 2023 y alcanzó los 24.382 millones de euros, según los datos del Instituto Vasco de Estadística, Eustat. En porcentaje del PIB vasco, este g...

Eustat e INE acuerdan realizar el Censo de Población y Viviendas 2026 en Euskadi

Eustaten kalkuluen arabera, 61 100 pertsona daude langabezian Euskadin, eta 2025eko bigarren hiruhileko honetan 1 010 400 dira langabeak.

860 euros en Bizkaia, 826 en Gipuzkoa y 743 en Araba - Los datos del Eustat ponen de manifiesto que el precio medio del alquiler sigue al al...

2025eko azken hiruhilekoan, 3.438 jaiotza izan ziren Euskal Autonomia Erkidegoan, hau da, iazko aldi berean baino % 6,1 gehiago, Eustaten datuen arabera.

Eustaten arabera, migrazio-saldoak biztanleria hazten lagunduko luke 2025 eta 2035 urteen artean 240 udalerritan.

14.000 lanpostu inguru sortu ziren iaz, Eustat euskal estatistika erakundeak ostiral honetan argitaratu duen hiruhileroko kontu ekonomikoen aurrerapenean egindako zenbatespenen arabera.

Uda honetan turismoak gora egin du Euskal Herrian. Abuztuko datuen faltan, 2,5 milioi bisitari inguru izan dira, Eustat, Nastat eta Pirinio Atlantikoetako turismo agentziaren arabera. Haiek eginiko inkesten datuetatik ondorioztatu daitekeenez, apartamentu turistikoak izan dira igoeraren arrazoi nagusia, Hego Euskal Herrian bereziki. Eustaten arabera, uztailean eta ekainean, %36 turista gehiago zenbatu dira Arabako, Bizkaiko eta Gipuzkoako apartamentu turistikoetan, eta Nastaten arabera, %49,5 gehiago izan dira ekainean —uztaileko datuak ez ditu eman—. Gorakada apalagoa izan da gainontzekoetan; Hego Euskal Herriko hoteletan, adibidez, %7,9. Kanpinetan eta landa ostatuetan ere bisitari gehiago zenbatu dira. Idoia Ezkurdia Nekatur Arabako, Bizkaiko eta Gipuzkoako landa ostatuen elkarteko arduradunaren arabera, eguraldiak lagundu egin du aurten: «Iazko uztailean eguraldia txarra izan zen. Aurten hobea izan da eta horrek eragina izan du, batik bat azken momentuko erreserbetan». «Iazko uztailean eguraldia txarra izan zen. Aurten hobea izan da eta horrek eragina izan du, batik bat azken momentuko erreserbetan» IDOIA EZKURDIA Nekaturreko arduraduna Ostatu mota guztiak kontuan hartuta, Euskal Herri osoan 2,5 milioi turista inguru izan dira ekainean eta uztailean, eta abuzturako aurreikuspenak ere baikorrak dira orokorrean. «Orain dela bi egunera arte kanpin ia guztiak beteta izan dira egunero, eta kostan daudenak oraindik ere beteta segitzen dute», adierazi du Alberto Retolaza Euskadiko Kanpinen Elkarteko zuzendari laguntzaileak. «Orain eguraldia aldatu da, baina erreserbak aurretik eginda daudenez, jendea geratu egiten da hala ere», gehitu du. Ezin ukatu landa ostatuek eta kanpinek Euskal Herrian duten indarra. Baina hala ere, bisitarien gehiengoen gaualdiak hoteletan izan dira —hirutik bi Hego Euskal Herrian—. Uztailean, adibidez, hoteletako gelen %81,6 bete dira Araban, Bizkaian eta Gipuzkoan eta Nafarroan %53,5. Lurraldeekiko ezberdintasunak ere badira; Bizkaiko hoteletan izan da igoera handiena (%5,2), Gipuzkoakoak bere horretan mantendu dira (%0,9 gora), eta Arabakoak %8,6 bisitari gutxiago jaso dituzte. Nafarroan %1,6 pertsona gehiago jaso dituzte hotelek uztailean. Aukeren artean garestiena da hotelarena; aurten are gehiago. Iazkoarekin alderatuta, hotelen batez besteko tarifa %4,4 igo da uztailean: gaua 144,5 euroan izan da batez beste Araban, Bizkaian eta Gipuzkoan. Aipagarria da Donostiako hotelen prezioa, 230,7 euroan ezarri dira batez beste uztailean, Bilbon baino 100 euro garestiago. Donostian %1,6 turista gutxiago zenbatu dira hoteletan. Gasteizko hotel batean gaua pasatzea 88 euro kostatzen da. Nafarroan, 105,5 euro, %3,6 merkeago. Beste egonaldi motak Hotelen prezio garestiek, beste egonaldi mota batzuk egonkortu dituzte; landa ostatuak, adibidez. Hotelen prezioaren erdia baino gutxiago ordaintzen da landa apartamentuetan Nekaturreko arduradunaren arabera: «Orain udan gure logelaren prezioa 65-70 euroan ibiliko da batez beste, gau bat bi pertsonentzat», dio Ezkurdiak. Haren arabera, uztailean %65eko betetze maila izan dute landetxeek eta landa apartamentuek, iaz baino %1 gehiago, eta esan du abuztuaren hirugarren aste honetan, plaza guztien %82 daudela beteta, iaz epe berean baino %2 gehiago. Arabako landa ostatuek %9 bisitari gehiago jaso dituzte aurten. «Asteburu bat pasatzeko, hotelen prezioak ez du horrenbesteko garrantzia, baina egonaldi luzeak egiteko, nabari dira prezioen diferentziak» ALBERTO RETOLAZA Euskadiko Kanpinen Elkarteko zuzendari laguntzailea Bide beretik, kanpinei dagokienez ere balorazio positiboa eman du Retolazak: «Kanpinak eta hotelak opor mota ezberdinak dira, baina hotelen prezioen garestitzeak bultzada ematen die kanpinei. Azkenean, asteburu bat pasatzeko, hotelen prezioak ez du horrenbesteko garrantzia, baina egonaldi luzeak egiteko, nabari dira prezioen diferentziak». Horregatik beharbada hoteletan erregistratutako egonaldiak motzak izan dira. Batez beste, ekainean eta uztailean, 2,05 eguneko egonaldiak egin dituzte bisitariek Hego Euskal Herriko hoteletan, INEk emandako datuen arabera. IPARRALDEAN EGONKOR Ipar Euskal Herrian %0,53 egin du behera bisitarien kopuruak ekainean eta uztailean, 6 469 turista gutxiago. Pirineo Atlantikoetako turismo agentziaren arabera, guztira 1,2 milioi turista izan dira. Batez beste 4,15 eguneko egonaldiak egiten dituzte horiek. Bisitarien %71 Frantziatik etorri dira ekainean eta uztailean. Uztaileko lehen hamabostaldian jaso dira turista gehien. Baionako festen aurreratzeak eragina izan du horretan, baita uztailaren amaierako eguraldiak ezegonkorrak ere.